अन्य
    देशप्रदेश १इलाममा एक पुरुषको ह´त्या गरेको अभियोगमा नौ जना पक्राउ

    इलाममा एक पुरुषको ह´त्या गरेको अभियोगमा नौ जना पक्राउ

    सुनसरी / झापाको दमक नगरपालिका – ३ बेलडाँगीका ४४ वर्षीय एलबी भन्ने लालबहादुर गुरुङको बीभत्स ह´त्या गरेको आरोपमा नौ जनालाई प्रहरीले पक्राउ गरेको छ ।

    १ नम्बर प्रदेश प्रहरी कार्यालय विराटनगरका अनुसार इलामको चुलाचुली गाउँपालिका- ५ पकुवास्थितमा ह´त्या गरेको आरोपमा संलग्न नौ जनालाई प्रहरीले पक्राउ गरेर सार्वजनिक गरेको छ ।

    गत बुधबार बेलुका ५ बजे अपरिचित ब्यक्तिहरुले बेलडाँगीस्थित भुटानी शरणार्थी शिविर बस्ने गुरुङलाई दमक र चुलाचुलीको सिमाना पर्ने रतुवा खोलाको झोलुङ्गे पुल नजिक धारिलो हतियार खुकुरी, ढुंगा प्रहार गरी शरीरको विभिन्न भागमा काटेर ह´त्या गरेको प्रहरीको प्रारम्भिक अनुसन्धानबाट खुलेको छ ।

    जिल्ला प्रहरी कार्यालय इलामबाट खटिएको प्रहरी टोलीले घटनामा संलग्न ब्यक्तिहरुको खोजतलास गर्ने क्रममा उनीहरुलाई पक्राउ गरिएको हो ।

    पक्राउ पर्नेमा चुलाचुली- ४ इलामका २५ वर्षीय शिब हिङहाङ भन्ने नरेन्द्र दर्जी, २९ वर्षीय झ्याम्ले भन्ने नरेशकुमार याखा, २१ वर्षीय अभिषेक केरुङ, २० वर्षीय सेसे भन्ने सेसेयाङ याखा, ३३ वर्षीय सन्तु भन्ने चन्द्रकुमार यवा, ३५ वर्षीय डम्बर यवा, ३० वर्षीय टीका भन्ने नरेन्द्र तुम्रोक, २६ वर्षीय विक्रम हिङमाङ र २९ वर्षीय पर्शु राई रहेकालाई प्रकाउ गरि प्रहरी सार्वजनिक गरेको हो ।

    घटनाको प्रारम्भिक अनुसन्धानको क्रममा घट्‍ना भएको तीन् दिन अगाडि मृतक गुरुङले घट्‍नामा संलग्न टीका भन्ने नरेन्द्र तुम्रोकका आफनै भाई सुजन तुम्रोकलाई कुटपिट गरेको र सोही घट्‍नाको बदला लिन आरोपिहरुले कुटपिट गरी मार्ने सम्मको योजना बनाएको खुल्न आएको छ ।

    घटनामा संलग्न अन्य ब्यक्तिको खोजतलास तथा थप अनुसन्धान भइरहेको जिल्ला प्रहरी कार्यालय इलामले जनाएको छ ।

    प्रकाशित मिति :

    प्रतिक्रिया दिनुहोस्

    LEAVE A REPLY

    Please enter your comment!
    Please enter your name here

    संबन्धित समाचार

    सिफारिस

    यो साता चर्चामा

    धेरै पढिएका

    वि.सं. २०७९ मङ्सिर ०७ गते बुधवार तदनुसार ई. सं. २०२२ नोभेम्बर २३ तारिख, नल नामक संवत्सर, सूर्य दक्षिणायन, हेमन्त ऋतु, कलिगत ५१२३, शाके १९४४,...
    काठमाडौं । नेपालमा पहिलोपटक रु. ५००(भ्याटबाहेक) शुल्क तिरेर मात्रै आफ्नो टिभी सेटमा फुटबलको विश्वकपका खेलहरु हेर्न सकिने व्यवस्था गरिएको छ । चौतर्फी विरोधका बाबजुद केही...
    काठमाडौं, अब छिट्टै पाँच जलविद्युत् कम्पनीको आईपीओ खुल्ने भएको छ । नेपाल धितोपत्र बोर्डले पाँच जलविद्युत् कम्पनीलाई प्राथमिक सेयर (आईपीओ) जारी गर्ने अनुमति दिएको हो...

    धेरै कमेन्ट गरिएका