काठमाडौं – एक नेपाली युवा इन्जिनियरले विश्वकै पहिलो चिया पिउँदा मोबाइल चार्ज गर्न सकिने कप आविष्कार गरेको दाबी गरेका छन्। यो आविष्कारले विश्वभर चर्चा पाउन थालेको छ।
२८ वर्षीय सुजन पौडेलले बनाएको यो कपले चियाको तापबाट बिजुली उत्पादन गर्छ र त्यसलाई मोबाइल चार्जिङमा प्रयोग गर्न सकिन्छ। पौडेलका अनुसार एक कप चिया पिउँदा मोबाइल १५% सम्म चार्ज हुन्छ।
“मलाई लाग्यो, हामी दिनमा कति पटक चिया पिउँछौं, त्यो ऊर्जा किन खेर जानु?” पौडेलले भने। “अब तपाईं चिया पिउँदै आफ्नो फोन चार्ज गर्न सक्नुहुन्छ।”
विज्ञान तथा प्रविधि मन्त्रालयका प्रवक्ता रमेश अधिकारीले भने, “यो आविष्कार नेपालको लागि गर्व गर्ने कुरा हो। हामी यसको व्यावसायीकरणमा सहयोग गर्नेछौं।”
सामाजिक सञ्जालमा यस आविष्कारको भिडियो भाइरल भएको छ, जहाँ पौडेल आफ्नो कपको प्रदर्शन गर्दैछन्। धेरै नेटिजनहरूले यसलाई “चिया क्रान्ति” को रूपमा वर्णन गरेका छन्।
केही विदेशी कम्पनीहरूले यस प्रविधिमा चासो देखाएका छन्। तर पौडेल भन्छन्, “मेरो लक्ष्य यसलाई नेपालमै उत्पादन गर्ने र विश्व बजारमा पुर्याउने छ।”
(यो मनोरञ्जन स्टोरी हो । इन्फो नेपालले पाठकको मनोरञ्जनको लागि काल्पनिक कथा पनि तयार गर्ने गरेको छ । यो स्टोरीमा कुनै सत्यता छैन ।))
