इन्फो नेपाल — सञ्चारको सञ्जाल

भारी वर्षाको जोखिम बढेपछि मकवानपुर प्रशासनले जारी गर्‍यो सतर्कता सूचना

हेटौँडा । बङ्गालको खाडीमा विकसित ‘अर्णव’ चक्रवातको प्रभावले भारी वर्षा हुन सक्ने भन्दै जिल्ला प्रशासन कार्यालय मकवानपुरले जिल्लावासीलाई सतर्क रहन आग्रह गरेको छ।

जल तथा मौसम विज्ञान विभाग र राष्ट्रिय विपद् जोखिम न्यूनीकरण तथा व्यवस्थापन प्राधिकरणको विशेष बुलेटिनअनुसार कात्तिक ११ देखि १४ गतेसम्म मकवानपुरसहित बागमती प्रदेशका विभिन्न स्थानमा भारी वर्षाको सम्भावना देखिएको हो।

सहायक प्रमुख जिल्ला अधिकारी शेषकान्त पौडेलले मंगलबार जारी गरेको सूचनामा भारी वर्षाका कारण नदी तथा खोलामा आकस्मिक बाढी आउन सक्ने, डुबान र कटानको जोखिम बढ्ने तथा पहाडी क्षेत्रमा पहिरो खस्न सक्ने उल्लेख छ।

प्रशासनले विशेषगरी नदी किनार, पहिरोको जोखिम रहेका बस्ती तथा सडक आसपासका नागरिकलाई सावधानी अपनाउन भनेको छ। त्रिभुवन राजपथ, कान्ति लोकपथ, हेटौँडा–काठमाडौँ छोटा मार्ग र ग्रामीण सडकमा पहिरोको सम्भावना रहेकाले अत्यावश्यकबाहेक लामो दूरी तथा रात्रिकालीन यात्रा नगर्न सुझाव दिइएको छ।

धानबाली भित्र्याउने समय भएकाले किसानलाई पाकेको धान तथा अन्य कृषि उपज सुरक्षित स्थानमा राख्न र वर्षाको अवधिमा बाली नकाट्न आग्रह गरिएको छ। त्यस्तै, नदी तथा खोला तर्ने, माछा मार्ने र दाउरा सङ्कलन गर्नेजस्ता जोखिमपूर्ण गतिविधि नगर्न अनुरोध गरिएको छ।

बालबालिका, ज्येष्ठ नागरिक, गर्भवती, अपाङ्गता भएका व्यक्ति र बिरामीको सुरक्षामा विशेष ध्यान दिन तथा महत्त्वपूर्ण कागजात र चौपायालाई सुरक्षित राख्नसमेत प्रशासनले आग्रह गरेको छ।

सम्भावित विपद्को जोखिमलाई ध्यानमा राख्दै स्थानीय तह र सुरक्षा निकायलाई उद्धार तथा राहतका लागि तयारी अवस्थामा रहन भनिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क