इन्फो नेपाल — सञ्चारको सञ्जाल

दुबईमा नेपाली घिउको माग बढ्दै, थप डेढ टन निर्यात गर्ने तयारी

हेटौँडा । सरकारी स्वामित्वको दुग्ध विकास संस्थान (डीडीसी) ले संयुक्त अरब इमिरेट्स (यूएई) को दुबईमा घिउ निर्यातलाई नियमित बनाएको छ। नेपाली घिउले दुबईको बजारमा राम्रो प्रतिक्रिया पाएपछि संस्थानले थप डेढ टन घिउ निर्यात गर्ने तयारी गरेको हो।

डीडीसीले गत भदौको पहिलो साता ६ सय किलो घिउ निर्यात गर्दै दुबईको बजारमा प्रवेश गरेको थियो। पहिलो खेपको सकारात्मक प्रतिक्रियापछि हालसम्म तीन खेपमार्फत करिब तीन टन घिउ निर्यात भइसकेको संस्थानले जनाएको छ।

डीडीसीका महाप्रबन्धक डा. शरणकुमार पाण्डेका अनुसार दुबईबाट नेपाली घिउको माग निरन्तर आउन थालेपछि निर्यात नियमित भइरहेको छ। तिहारअघि थप डेढ टन घिउ पठाउने अन्तिम तयारी भइरहेको उनले जानकारी दिए।

संस्थानले घिउसँगै अन्य दुग्धजन्य उत्पादनसमेत अन्तर्राष्ट्रिय बजारमा निर्यात गर्ने योजना अघि बढाएको छ।

नेपाली दुग्धजन्य उत्पादनले विदेशी बजारमा स्थान पाउन थालेसँगै निर्यात विस्तारको सम्भावना बढेको छ। यसले स्वदेशी उत्पादनको अन्तर्राष्ट्रिय पहिचान विस्तार गर्नुका साथै दुग्ध उद्योग र किसानका लागि नयाँ बजारको अवसर सिर्जना गर्ने अपेक्षा गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क