इन्फो नेपाल — सञ्चारको सञ्जाल

कुलेखानी जलाशयको पानीको सतह १ हजार ५२७.५४ मिटर पुग्यो

मकवानपुर । मकवानपुरस्थित कुलेखानी जलाशयको पानीको सतह आज दिउँसो २ बजेको मापनअनुसार १ हजार ५२७ दशमलव ५४ मिटर पुगेको छ । निरन्तरको वर्षाका कारण जलाशयको पानीको सतह अधिकतम भण्डारण क्षमताको नजिक रहेको छ ।

कुलेखानी प्रथम जलविद्युत् आयोजनाका प्रमुख तारादत्त भट्टका अनुसार जलाशयको अधिकतम भण्डारण क्षमता १ हजार ५३० मिटर रहेको छ । पछिल्लो मापनअनुसार जलाशय पूर्ण क्षमतामा पुग्न अब २ दशमलव ४६ मिटर मात्रै बाँकी छ ।

यसअघि आज मध्यराति १२ बजे जलाशयको पानीको सतह १ हजार ५२७ दशमलव ५५ मिटर रहेको थियो भने बिहान ६ बजे १ हजार ५२७ दशमलव ६० मिटर मापन गरिएको थियो । दिउँसो २ बजेसम्म आइपुग्दा पानीको सतह १ हजार ५२७ दशमलव ५४ मिटर कायम भएको हो ।

जलाशयमा पानीको सतह १ हजार ५२७ मिटर पुगेपछि पहिलो चेतावनी साइरन बजाउने व्यवस्था छ । त्यस्तै, पानीको सतह १ हजार ५३० मिटर पुगेपछि वर्षाको अवस्था, पानीको बहाव र सम्भावित जोखिमको मूल्याङ्कन गरी आवश्यकताअनुसार बाँधको मुख्य ढोका खोल्न सकिने व्यवस्था छ ।

यसअघि २०८१ साल असोजमा अविरल वर्षाका कारण जलाशय भरिएपछि ३१ वर्षको अन्तरालमा बाँधको ढोका खोलिएको थियो । त्यसअघि २०५० सालमा बाँधको ढोका खोलिएको थियो ।

जलाशयको पानीको सतह अधिकतम क्षमताको नजिक रहेकाले बाँधभन्दा तल्लो तटीय क्षेत्रका बासिन्दालाई सतर्क रहन, नदी तथा खोलाको किनारमा अनावश्यक आवतजावत नगर्न र स्थानीय प्रशासन तथा आयोजनाबाट जारी हुने आधिकारिक सूचना पालना गर्न आग्रह गरिएको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क