इन्फो नेपाल — सञ्चारको सञ्जाल

मकवानपुरमा राति ९ बजेसम्म मात्र देउसीभैलो खेल्न पाइने, पटाका र जुवातासमा प्रतिबन्ध

मकवानपुर । जिल्ला प्रशासन कार्यालय मकवानपुरले आगामी तिहार तथा छठ पर्वलाई सुरक्षित र मर्यादित बनाउन देउसीभैलोसहितका सांस्कृतिक कार्यक्रम राति ९ बजेसम्म मात्र सञ्चालन गर्न आदेश दिएको छ।

​सहायक प्रमुख जिल्ला अधिकारी शेषकान्त पौडेलद्वारा जारी सूचनाअनुसार चाडपर्वमा हुन सक्ने अवान्छित गतिविधि रोक्न तथा शान्ति सुरक्षा कायम राख्न राति ९ बजेभित्रै मनोरञ्जनात्मक कार्यक्रम सम्पन्न गरिसक्नुपर्नेछ।

​प्रशासनले तिहारमा पटाका, भुइँचम्पा, आतिसबाजीजस्ता प्रज्वलनशील पदार्थको भण्डारण, ओसारपसार र प्रयोगमा पूर्ण प्रतिबन्ध लगाएको छ। साथै, सार्वजनिक स्थलमा मादक पदार्थ सेवन गरी होहल्ला गर्ने र जुवातास खेल्नेजस्ता गैरकानुनी काम नगर्न सचेत गराएको छ।

​बजारमा हुन सक्ने कृत्रिम अभाव, मूल्यवृद्धि तथा अखाद्य वस्तुको बिक्री रोक्न अनुगमन कडाइ गरिने र सवारी साधनमा क्षमताभन्दा बढी यात्रु राख्न वा बढी भाडा लिन नपाइने प्रशासनले जनाएको छ। वातावरण प्रदूषण रोक्न प्लास्टिकका फूलगुच्छा बिक्री वितरणमा समेत रोक लगाइएको छ।

​सूचनाविपरीत कार्य गरे प्रचलित कानुनबमोजिम कारबाही गरिने र कुनै शङ्कास्पद गतिविधि देखिए तुरुन्त प्रहरीको १०० नम्बरमा सम्पर्क गर्न प्रशासनले अनुरोध गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क