इन्फो नेपाल — सञ्चारको सञ्जाल

कानुन निर्माणमा कमजोरी हुन दिन्नँ : सभामुख डीपी अर्याल

हेटौँडा । प्रतिनिधिसभाका सभामुख डोलप्रसाद (डीपी) अर्यालले नागरिकको आवश्यकता र भावी पुस्ताको हितलाई ध्यानमा राखेर कानुन निर्माण तथा संशोधन गर्ने प्रतिबद्धता जनाएका छन्।

शनिबार हेटौँडामा स्थानीयवासीसँग आयोजित अन्तरक्रिया कार्यक्रममा बोल्दै सभामुख अर्यालले कानुन निर्माण गर्दा सरोकारवालासँग पर्याप्त छलफल गरिने बताए।

उनले देशको भौगोलिक अवस्था, नागरिकको चेतनास्तर र बदलिँदो आवश्यकताअनुसार कानुन बनाउनुपर्नेमा जोड दिए। ‘कानुन निर्माण गर्ने कुरामा एक इन्च पनि कहीँ कमीकमजोरी हुन दिन्नँ,’ उनले भने।

सभामुख अर्यालले संसद् बैठक सञ्चालन गर्नु मात्रै सभामुखको जिम्मेवारी नभएको बताए। कानुनको अध्ययन, प्रमाणीकरण तथा संघीय संसद् सचिवालयको व्यवस्थापनलगायतका काममा समेत आफू व्यस्त रहने गरेको उनको भनाइ थियो।

उनले जनप्रतिनिधिहरूलाई नागरिकका समस्या बुझ्न घरदैलोमा पुग्न सुझाव दिए। सडक, खानेपानी, शिक्षा र स्वास्थ्यजस्ता आधारभूत समस्याको पहिचान गरेर समाधानका लागि कानुनी तथा नीतिगत पहल गर्नुपर्ने उनले बताए।

सभामुख अर्यालले जनप्रतिनिधिको मूल्याङ्कन महँगो गाडी, रहनसहन र स्वागतसत्कारका आधारमा नभई जनताका लागि गरेका कामका आधारमा हुने उल्लेख गरे।

छठ पर्व मनाउन वीरगञ्ज जाने क्रममा हेटौँडा आएका अर्यालले स्थानीय नागरिकबाट राज्य सञ्चालन र जनप्रतिनिधिको कार्यसम्पादनबारे सुझाव लिन अन्तरक्रिया गरेको बताए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क