इन्फो नेपाल — सञ्चारको सञ्जाल

चित्लाङमा जिपको डिक्कीबाट ६ किलो बढी चरेशसहित दुई जना पक्राउ

मकवानपुर । मकवानपुरको थाहा नगरपालिका–९ चित्लाङस्थित चेकपोस्टमा प्रहरीले चेकजाँचका क्रममा ६ किलोभन्दा बढी अवैध लागुऔषध चरेशसहित एउटा महँगो मोडेलको जिप र दुई जनालाई नियन्त्रणमा लिएको छ।

​इलाका प्रहरी कार्यालय पालुङबाट प्रहरी निरीक्षक गोविन्द प्रसाद भण्डारीको कमाण्डमा खटिएको टोलीले गए राति (कार्तिक ३० गते) करिब १:४५ बजे गोर्खा, चितवन सौराहा र हेटौँडा हुँदै काठमाडौँतर्फ जाँदै गरेको बा.प्र. ०१–०३५ च ४५६१ नम्बरको सेतो रङ्गको ओमोडा जेकु सिक्सटी (Omoda Jaecoo 6T) मोडेलको एसयुभी (SUV) जिप रोकी जाँच गरेको थियो।

​सो क्रममा गाडीको पछाडिको डिक्कीमा रहेका लगेज ब्यागहरू खानतलासी गर्दा कालो रङ्गको लगेजभित्र लत्ताकपडाले बेरी लुकाइछिपाई ल्याएको अवस्थामा सेतो प्लास्टिकले र्‍याप गरिएका ५ वटा पोका फेला परेको प्रहरीले जनाएको छ। स्थानीय बासिन्दा र जनप्रतिनिधिको रोहवरमा तौल गर्दा प्लास्टिकसहित ६ किलो १४० ग्राम र प्लास्टिक बाहेक ६ किलो ४० ग्राम चरेश फेला परेको हो।

​घटनामा संलग्न रहेको आरोपमा प्रहरीले जिप चालक काभ्रेपलाञ्चोकको धुलिखेल नगरपालिका–३ सञ्जीवनी चोक स्थायी घर भई हाल बनेपा नगरपालिका–८ तीनदोबाटो बस्ने ३३ वर्षीय हेविन श्रेष्ठ र जिपमा सवार चितवनको भरतपुर महानगरपालिका–११ कोल्टाँडी स्थायी घर भई हाल क्षेत्रपुर बस्ने २१ वर्षीया दिव्याश्री काफ्लेलाई नियन्त्रणमा लिएको छ।

​अवैध चरेश, ओसार्न प्रयोग गरिएको जिप र पक्राउ परेका दुवै जनालाई इलाका प्रहरी कार्यालय पालुङको नियन्त्रणमा राखि थप अनुसन्धान भइरहेको प्रहरीले जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क