इन्फो नेपाल — सञ्चारको सञ्जाल

पर्सामा सशस्त्र प्रहरीद्वारा ४४ लाखभन्दा बढीको अवैध सामान बरामद, तीन लाखको पटाका नष्ट

वीरगञ्ज । सशस्त्र प्रहरीले पर्साका विभिन्न सीमा क्षेत्रबाट भन्सार छली नेपाल भित्र्याइएका ४४ लाख ३४ हजार ३६० रुपैयाँ बराबरका अवैध सामान नियन्त्रणमा लिएको छ। बरामद सामानमध्ये ४१ लाख ३४ हजार ३६० रुपैयाँ बराबरका सामग्री वीरगञ्ज भन्सार कार्यालयमा बुझाइएको छ भने तीन लाख रुपैयाँ बराबरका प्रतिबन्धित पटाका नष्ट गरिएको छ।

सशस्त्र प्रहरी बल नेपाल नं. १३ गण हेडक्वार्टर पर्सा तथा मातहतका कार्यालयबाट खटिएका टोलीले विभिन्न मितिमा कपडा, मोबाइलका पार्टपुर्जा, औषधि, कस्मेटिक, किराना सामग्रीलगायतका सामान बरामद गरेका हुन्।

गणका सूचना अधिकारी सशस्त्र प्रहरी नायब उपरीक्षक सुरज क्षेत्रीका अनुसार कात्तिक ८ गते जिल्लाका विभिन्न स्थानीय तह तथा सीमा क्षेत्रबाट सात लाख १० हजार ५२० रुपैयाँ बराबरका कपडा, कस्मेटिक तथा किराना सामग्री नियन्त्रणमा लिइएको हो।

त्यस्तै, कात्तिक ६ गते बिन्दवासिनी गाउँपालिका–५, प्रसौनीभाठ्ठामा भारतबाट भन्सार छली बा ६३ प ६८१५ नम्बरको मोटरसाइकलमा ल्याइँदै गरेको १८ लाख ४१ हजार ५०० रुपैयाँ बराबरका मोबाइलका पार्टपुर्जा बरामद गरिएको छ। सोही क्षेत्रबाट थप ५९ हजार ४० रुपैयाँ बराबरका कपडा तथा मोटरपार्ट्ससमेत नियन्त्रणमा लिइएको प्रहरीले जनाएको छ।

कात्तिक ७ गते वीरगञ्ज महानगरपालिका–२५, खल्वास्थित सीमा क्षेत्रमा धानखेतमा बेवारिसे अवस्थामा राखिएका आठ लाख १७ हजार ६८० रुपैयाँ बराबरका विभिन्न प्रकारका औषधि तथा अन्य सामग्री बरामद गरिएको थियो।

यसैगरी, सीमा सुरक्षा गुल्म अलौबाट खटिएको टोलीले विभिन्न मितिमा तीन लाख पाँच हजार ६२० रुपैयाँ बराबरका खरबुजाको बिउ, तोरी तथा कपडा नियन्त्रणमा लिएको छ। सीमा सुरक्षा गुल्म वीरगञ्जले एक लाख ८४ हजार रुपैयाँ बराबरका कपडा तथा विद्युतीय सामग्री र बोर्डर आउट पोस्ट सिर्सियाले दुई लाख १६ हजार रुपैयाँ बराबरका कपडा बरामद गरेको छ।

बरामद गरिएका सबै सामग्री आवश्यक कानुनी कारबाहीका लागि कात्तिक ८ गते वीरगञ्ज भन्सार कार्यालयमा बुझाइएको सूचना अधिकारी क्षेत्रीले जानकारी दिएका छन्।

यसैबीच, तिहार तथा छठ पर्वलाई लक्षित गरी भारतबाट अवैध रूपमा नेपाल भित्र्याइएका तीन लाख रुपैयाँ बराबरका प्रतिबन्धित पटाकासमेत सशस्त्र प्रहरीले नियन्त्रणमा लिएको छ। पर्साका विभिन्न स्थानबाट बरामद गरिएका ती पटाका आवश्यक प्रक्रिया पूरा गरी नष्ट गरिएको सशस्त्र प्रहरीले जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क