इन्फो नेपाल — सञ्चारको सञ्जाल

अनुदानको मल व्यापारीको गोदाममा फेला

विराटनगर । उदयपुरको कटारी बजारमा किसानलाई वितरण गर्न पठाइएको अनुदानको २ सय बोरा रासायनिक मल व्यापारीको गोदाममा लुकाइएको अवस्थामा फेला परेको छ।

जिल्ला प्रशासन कार्यालय उदयपुरको बजार अनुगमन टोलीले बिहीबार बिहान व्यापारी दिलिप चौधरीले सञ्चालन गरेको आशुतोष ट्रेडर्स एण्ड जेनरल स्टोर्सको गोदाममा लुकाइएका मलका बोरा बरामद गरेको हो।

अनुगमन टोलीका नेतृत्वकर्ता सहायक प्रमुख जिल्ला अधिकारी विक्रम प्रसाद पाण्डेले गोदाम तत्काल शिलबन्दी गरिएको र घटनाबारे छानबिन अघि बढाइएको जानकारी दिए। “कहाँबाट मल आएको हो ? यसमा कसको मिलेमतो छ भन्नेबारे पूर्ण छानबिन हुन्छ। आवश्यक कारबाहीका लागि कटारी नगरपालिकाका प्रमुख प्रशासकीय अधिकृतलाई निर्देशन दिइएको छ,” पाण्डेले बताए।

कटारी नगरपालिकाका प्रमुख प्रशासकीय अधिकृत राजन थापाले संलग्नहरूविरुद्ध कारबाही गर्न आजै छानबिन समिति गठन गरिने जानकारी दिए।

कृषकहरूले लामो समयदेखि कटारी बजारमा रासायनिक मलको अभाव देखिएको र व्यापारीहरूले कालोबजारी गर्दै आएको आरोप लगाउँदै आएका छन्। किसान माधव धमलाले भने, “सरकारले सहजै मल उपलब्ध गराउने नीति ल्याए पनि व्यापारीहरूले बीचमै रोक्केर महँगोमा बेच्दै आएका छन्,” टिप्पणी गरे।

सरकारले सहकारीमार्फत मल वितरण गर्ने व्यवस्था गरेको भए पनि अनुदानको मल व्यापारीको गोदाममा फेला पर्नुले वितरण प्रणालीमै अनियमितता भएको देखिएको छ।

अनुगमनका क्रममा टोलीले कटारी बजारका २८ पसल परीक्षण गर्दा करिब १ लाख २० हजार रुपैयाँ बराबरको अखाद्य तथा म्याद गुज्रिएका चामल, मसला, पेय पदार्थ, सुर्ती लगायतका सामान जफत गरी तत्काल नष्ट गरिएको इलाका प्रशासन कार्यालय कटारीकी प्रमुख कोपिला थुलुङ राईले बताइन्।

त्यसैगरी कानुनविपरीत व्यापार गरेको आरोपमा अञ्जली पाउरोटी उद्योग, रञ्जना स्टोर्स र कमलामाई बेकरीलाई जनही ५ हजार रुपैयाँ जरिवाना गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क