इन्फो नेपाल — सञ्चारको सञ्जाल

अर्गानिक कृषि उत्पादनमा जुट्दै भोजपुरका किसान

भोजपुर- भोजपुरका किसान अर्गानिक कृषि उत्पादनमा जुटेका छन् । नेपाल जलवायु नमूना कार्यक्रमअन्तर्गत आवश्यक ज्ञान प्राप्त गरेपछि किसानहरू अर्गानिक कृषि उत्पादनमा संलग्न भएका छन्। बाह्य बजारबाट आउने विषादीयुक्त तरकारी तथा कृषिउपजको आयातलाई निरुत्साहित गर्दै विषादीरहित स्थानीय उत्पादनमा जोड दिने लक्ष्यका साथ यो कार्यक्रम सञ्चालन गरिएको हो। मानव स्वास्थ्यलाई प्राथमिकता दिँदै विषादीरहित कृषिबाली उत्पादनमा यो कार्यक्रमले सहयोग गर्दै आएको छ। वन तथा वातावरण मन्त्रालय, सिप्रेड, इसीमोड संस्था र रामप्रसादराई गाउँपालिकाको साझेदारीमा यो कार्यक्रम सञ्चालन गरिएको हो। अर्गानिक खेती विस्तारका लागि पाँचवटा नमूना कृषि सिकाइ केन्द्र निर्माण गरिएका छन्। यी केन्द्रमा वडा नं. १ मा ४० रोपनी र वडा नं ६ मा १५ रोपनीसम्मको क्षेत्रफलमा विभिन्न बाली लगाइएका छन्। यसबाट किसानलाई अर्गानिक उत्पादन सम्बन्धी ज्ञान प्रदान गरिएको छ। विगतका वर्षहरूमा वडा नं २ खेनामा नेपाल जलवायु नमूना गाउँ घोषणा गरिएको थियो। त्यसैलाई निरन्तरता दिँदै अन्य वडाहरूमा पनि यो कार्यक्रम विस्तार गरिएको हो। जलवायु अनुकूलनका प्रविधिहरू सिकाउँदै अर्गानिक र स्वास्थ्यकर कृषि उत्पादनमा प्रोत्साहन गरिएको छ। यस वर्ष यस कार्यक्रमका लागि रु. १ करोड ५० लाखको बजेट विनियोजन गरिएको छ। यो बजेटबाट कृषिका साथै मुहान संरक्षण, पैदलमार्ग निर्माण, हरित गृह निर्माण जस्ता वातावरण संरक्षणसम्बन्धी कार्यहरू गरिनेछ। बर्सेनि खेतीयोग्य जमिन बाँझिरहेका कारण बेरोजगारी बढ्दै गएको अवस्थालाई मध्यनजर गर्दै किसानलाई अर्गानिक र व्यावसायिक खेती प्रविधिमा जोड्ने योजना रहेको गाउँपालिका अध्यक्षले बताए। यो कार्यक्रमका कारण धेरै किसान व्यावसायिक अर्गानिक कृषि उत्पादनमा लागेको पाइएको छ। उत्पादित वस्तुको बजारीकरणमा किसानलाई आवश्यक सहयोग गर्ने योजना रहेको अध्यक्षले बताए। साथै, स्थानीय सहकारीसँगको सहकार्यमा व्यावसायिक खेतीमा जोड दिइएको एक वडाका वडाध्यक्षले जानकारी दिए। वडामै नमूना सिकाइ केन्द्र सञ्चालन भएकाले किसानलाई थप सहज भएको छ। आगामी दिनमा थप वडाहरूमा पनि यो कार्यक्रम लैजाने तयारी गरिएको गाउँपालिकाले जनाएको छ। विभिन्न खालका बालीको व्यवस्थापन र बजारीकरणका लागि पनि कार्यक्रमहरू सञ्चालन हुनेछन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क