इन्फो नेपाल — सञ्चारको सञ्जाल

अविरल वर्षाका कारण बाढी पहिरोमा परी १ सय २४ जनाको मृत्यु, १ सय ४० घाइते

काठमाडौं । गत जेठ २८ गतेदेखि देशभर परेको अविरल वर्षाका कारण आएको बाढी, पहिरो लगायतका प्राकृतिक विपद्मा परी बुधबार दिउँसोसम्म १ सय २४ जनाको मृत्यु भएको छ। विपद् व्यवस्थापन प्राधिकरणको तथ्यांक अनुसार मृतकहरूको प्रदेशगत विवरण यस प्रकार छ:

  • काठमाडौं उपत्यका: २ जना
  • कोशी प्रदेश: २२ जना
  • मधेश प्रदेश: ५ जना
  • बागमती प्रदेश: १९ जना
  • गण्डकी प्रदेश: ३८ जना
  • लुम्बिनी प्रदेश: २३ जना
  • कर्णाली प्रदेश: ७ जना
  • सुदूरपश्चिम प्रदेश: ८ जना

यसैगरी, विपद्का कारण १ सय ४० जना घाइते भएका छन्। घाइतेहरूलाई स्थानीय अस्पतालहरूमा उपचारका लागि लगिएको छ। घाइतेहरूको प्रदेशगत विवरण निम्नानुसार रहेको छ:

  • काठमाडौं उपत्यका: ८ जना
  • कोशी प्रदेश: ३४ जना
  • मधेश प्रदेश: ९ जना
  • बागमती प्रदेश: ७ जना
  • गण्डकी प्रदेश: २९ जना
  • लुम्बिनी प्रदेश: ९ जना
  • कर्णाली प्रदेश: ३३ जना
  • सुदूरपश्चिम प्रदेश: ११ जना

उद्धार कार्यमा जुटेका सुरक्षाकर्मीहरूले कोशी प्रदेशबाट ४१ जना र गण्डकी प्रदेशबाट १२ जना गरी कुल ५३ जनाको उद्धार गरेका छन्। यस बीच, ८ जना अझै बेपत्ता रहेका छन् र उनीहरूको खोजी कार्य जारी छ।

बाढी पहिरोका कारण १ सय ८२ घर डुबानमा परेका छन् भने २ सय १८ वटा घर, ८० वटा गोठ, ४३ वटा पुल, १ वटा विद्यालय र २ वटा सरकारी कार्यालयमा क्षति पुगेको छ। साथै, ५ सय ८४ वटा पशुचौपायाको मृत्यु भएको छ। यस विपद्का कारण ३ हजार ७ सय २ घरपरिवार विस्थापित भएका छन्।

सरकारी निकायहरू र स्थानीय समुदायको सहकार्यमा जोखिमयुक्त क्षेत्रका बासिन्दाहरूलाई सुरक्षित स्थानमा स्थानान्तरण गर्ने, पहिरोमा पुरिएका सामग्रीहरू निकाल्ने र सडक अवरोध हटाउने कार्य भइरहेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क