इन्फो नेपाल — सञ्चारको सञ्जाल

असोज १ गते राष्ट्रिय शोक, जेनजी आन्दोलनमा मारिएका परिवारलाई १५ लाख क्षतिपूर्ति

काठमाडौं | सरकारले जेनजी आन्दोलनमा ज्यान गुमाएकाहरूको स्मृतिमा असोज १ गते राष्ट्रिय शोक मनाउने भएको छ । प्रधानमन्त्री सुशीला कार्कीको अध्यक्षतामा बसेको मन्त्रिपरिषद् बैठकले सो दिन सार्वजनिक बिदा दिने निर्णय गरेको हो ।

गृह तथा कानुनमन्त्री ओमप्रकाश अर्यालका अनुसार शोक दिवससँगै मृतकका परिवारलाई क्षतिपूर्ति स्वरूप १५ लाख रुपैयाँ दिने पनि सरकारले निर्णय गरेको छ । उक्त रकममध्ये १० लाख क्षतिपूर्ति र ५ लाख अन्य खर्चका लागि उपलब्ध गराइने छ । अर्थ मन्त्रालयमार्फत गृह वा सम्बन्धित जिल्ला प्रशासन कार्यालयमार्फत वितरण गर्ने व्यवस्था मिलाइने उनले बताए ।

आन्दोलनमा घाइते भएकाहरूको निःशुल्क उपचार गर्ने र मृतकलाई सम्बन्धित स्थानमा पुर्‍याउने व्यवस्था समेत सरकारले गर्ने भएको छ । दुर्गम क्षेत्रमा शव पुर्‍याउन हेलिकप्टर प्रयोग गरिने र दाहसंस्कारमा पनि सरकारले सहयोग गर्ने मन्त्री अर्यालले जानकारी दिए ।

सरकारले आन्दोलनका क्रममा भएका घटनाहरूको छानबिनका लागि उच्चस्तरीय न्यायिक जाँचबुझ आयोग गठन गर्ने सैद्धान्तिक निर्णय समेत गरेको छ । आयोगको संरचना र नेतृत्वबारे भने टुंगो लाग्न बाँकी रहेको मन्त्री अर्यालले बताए ।

जेनजी आन्दोलनका क्रममा मृत्यु हुनेको संख्या हालसम्म ७२ पुगेको छ । तीमध्ये ५९ जना प्रदर्शनकारी, १० जना कैदीबन्दी र ३ जना सुरक्षाकर्मी रहेका छन् । सरकारी तथ्यांकअनुसार २ हजार ३१६ जना घाइते भएका छन् । तीमध्ये २८३ जना अहिले विभिन्न अस्पतालमा उपचाररत छन् ।

भदौ २३ गतेदेखि सुरु भएको आन्दोलन भ्रष्टाचार र सामाजिक सञ्जालमाथिको प्रतिबन्धविरुद्ध सुरु भएको थियो । आन्दोलनका क्रममा विभिन्न स्थानमा भएको झडप, आगजनी र प्रहरीको बल प्रयोगका कारण धेरैको मृत्यु भएको हो । मृतकमध्ये केहीको सनाखत अझै हुन सकेको छैन । जलेका संरचना सफा गर्ने क्रममा शव भेटिने क्रम जारी छ । आज बिहान मात्रै चाबहिलको भाटभटेनी क्षेत्रमा थप ६ जनाको शव फेला परेको छ ।

यसैबीच, मन्त्रिपरिषद्ले जेनजी आन्दोलनमा ज्यान गुमाएका शहीदहरूको सम्झनामा जेनजी स्मारक पार्क निर्माण गर्ने सैद्धान्तिक निर्णय पनि गरेको छ । गृह तथा कानुनमन्त्री अर्यालका अनुसार पार्क बनाउन स्थान भने अझै तोकिएको छैन ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क