इन्फो नेपाल — सञ्चारको सञ्जाल

आठ महिनामा ७ लाखभन्दा बढी विदेशी पर्यटक नेपाल भित्रिए

काठमाडौं | नेपाल पर्यटन बोर्डले हालै सार्वजनिक गरेको तथ्याङ्कले सन् २०२४ को पहिलो आठ महिनामा नेपालको पर्यटन क्षेत्रमा उल्लेखनीय वृद्धि भएको देखाएको छ। बोर्डका अनुसार यस अवधिमा कुल सात लाख २० हजार तीन सय ३४ विदेशी पर्यटकले नेपाल भ्रमण गरेका छन्।

विशेष गरी अगस्त महिनामा पर्यटक आगमनमा उत्साहजनक वृद्धि देखिएको छ। यस महिनामा मात्र ७२ हजार सात सय १९ पर्यटक नेपाल आएका छन्, जुन गत वर्षको सोही अवधिको तुलनामा आठ दशमलव तीन प्रतिशतले बढी हो। गत वर्षको अगस्तमा ६७ हजार एक सय ५३ पर्यटक आएका थिए।

नेपाल पर्यटन बोर्डका निर्देशक मणिराज लामिछानेले यस वृद्धिलाई सकारात्मक संकेतको रूपमा लिएका छन्। उनका अनुसार, छिमेकी मुलुक भारत र चीनलक्षित विशेष पर्यटन प्रवर्द्धनात्मक कार्यक्रमहरू संचालन गरिएका छन्, जसले आगामी दिनमा थप पर्यटक आकर्षण गर्ने अपेक्षा गरिएको छ।

बोर्डको तथ्याङ्कले देखाए अनुसार, अगस्त महिनामा सबैभन्दा बढी पर्यटक भारतबाट आएका छन्। भारतबाट २५ हजार आठ सय ३२, चीनबाट छ हजार छ सय १४, अमेरिकाबाट पाँच हजार छ सय १४, श्रीलङ्काबाट चार हजार आठ सय ५१ र बङ्गलादेशबाट तीन हजार ७७ पर्यटक नेपाल भित्रिएका छन्।

यस वर्षको मासिक तथ्याङ्क हेर्दा मार्च महिनामा सबैभन्दा बढी एक लाख ११ हजार तीन सय ७६ पर्यटक आएका थिए भने जुलाईमा सबैभन्दा कम ६४ हजार पाँच सय ९९ पर्यटकले नेपाल भ्रमण गरेका थिए।

नेपाल सरकारले चालु आर्थिक वर्षमा १६ लाख विदेशी पर्यटक भित्र्याउने महत्वाकांक्षी लक्ष्य राखेको छ। यस लक्ष्य प्राप्तिका लागि संस्कृति, पर्यटन तथा नागरिक उड्डयन मन्त्रालयले 'पर्यटन रणनीति योजना (सन् २०१६-२५) र नेपाल भ्रमण दशक' कार्यक्रमहरू कार्यान्वयनमा ल्याएको छ।

मन्त्रालयका अनुसार, नयाँ पर्यटकीय गन्तव्यहरूको विकास र विस्तार, पदमार्ग निर्माण, तथा स्वदेश र विदेशमा नेपालका पर्यटकीय आकर्षणहरूको प्रचारप्रसार जस्ता कार्यक्रमहरू निरन्तर रूपमा संचालन भइरहेका छन्। विशेष गरी, पर्यटन बोर्डले एक सय नयाँ पर्यटकीय गन्तव्यहरूको पहिचान गरेको छ, जहाँ पर्यटन विभागले आवश्यक पूर्वाधार निर्माणको काम गरिरहेको छ।

कोभिड-१९ महामारीपछि नेपालको पर्यटन क्षेत्रले देखाइरहेको यो क्रमिक सुधारले आगामी दिनमा थप सकारात्मक परिणाम ल्याउने अपेक्षा गरिएको छ। यद्यपि, लक्ष्य प्राप्तिका लागि थप प्रयासहरूको आवश्यकता रहेको पर्यटन क्षेत्रका विज्ञहरूले बताएका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क