इन्फो नेपाल — सञ्चारको सञ्जाल

‘इँटाभट्टामा मान्छे पोलिएको’ दाबी पुष्टि नभएपछि आलम रिहा

काठमाडौं | चर्चित इँटाभट्टा हत्याकाण्डमा नेपाली कांग्रेसका नेता मोहम्मद अफताब आलम उच्च अदालतबाट निर्दोष ठहरिएका छन्। १२ वर्षअघि रौतहटको राजपुरमा भएको बम विस्फोटपछि घाइतेलाई जिउँदै इँटाभट्टामा हालेर हत्या गरिएको भनिएको आरोप अदालतमा पुष्टि हुन नसकेपछि आलमलाई सफाइ दिइएको हो।

बुधबार राति नख्खु कारागारबाट आलम रिहा भए। उच्च अदालत जनकपुरको अस्थायी इजलास वीरगञ्जले उनको पक्षमा फैसला सुनाउँदै, जिल्ला अदालत रौतहटले दिएको जन्मकैदको सजाय उल्टाइदिएको हो।

न्यायाधीश खुसीप्रसाद थारू र अर्जुन महर्जनको संयुक्त इजलासले गरेको फैसलाको संक्षिप्त आदेशमा भनिएको छ, “विष्फोटका घाइते भनिएका पिन्टु उर्फ त्रिलोकप्रकाश सिंह र ओसी अफताबलाई इँटाभट्टामा हालेर पोलिएको ठोस प्रमाण वादी पक्षले पेश गर्न सकेको छैन।”

यसअघि जिल्ला अदालत रौतहटले २०८१ वैशाख १३ मा आलमलाई जन्मकैदको सजाय सुनाएको थियो। तर उच्च अदालतले घटनास्थलमा बम विस्फोट भएको, घाइतेलाई इँटाभट्टामा हालेर जलाइएको भन्ने दुवै कुरा प्रमाणित हुन नसकेको ठहर गरेको हो।

अदालतले घटनास्थलमा वैज्ञानिक प्रमाण नपुगेको, परीक्षण प्रतिवेदन स्पष्ट नभएको र प्रत्यक्षदर्शी वा वस्तुनिष्ठ प्रमाणको अभावमा आरोप पुष्टि नहुने निष्कर्ष निकालेको छ। अदालतले भनेको छ, “विधिविज्ञान परीक्षण प्रतिवेदनसमेत मृतकहरू इँटाभट्टामा पोलिएको दाबी पुष्टि गर्न पर्याप्त छैन।”

रौतहट प्रहरीले २०६४ चैत २७ गतेको बम विस्फोटपछि घाइते भएका केहीलाई आलमको निर्देशनमा इँटाभट्टामा हालेर हत्या गरिएको दाबी गर्दै कर्तव्य ज्यान र बम विस्फोटसम्बन्धी मुद्दा चलाएको थियो। घटनामा आलमसहित उनका समर्थकहरू प्रतिवादी थिए।

अदालतको पछिल्लो फैसलाले यो चर्चित मुद्दामा निर्णायक मोड ल्याएको छ। फैसला पछि आलमलाई नख्खु जेलबाट रिहा गरिएको छ भने कांग्रेस कार्यकर्ताहरूले उनलाई स्वागत गरेका छन्।

यद्यपि, यही मुद्दासँग सम्बन्धित अर्को फरक फाइलमा भने अदालतले जिल्ला अदालतको फैसला सदर गर्दै सजाय कायम राखेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क