इन्फो नेपाल — सञ्चारको सञ्जाल

इटहरीमा दोस्रो तरहरा ‘१० के रन’ दौड प्रतियोगिता फागुन २४ गते हुँदै

इटहरी | कोशी प्रदेशको इटहरी २० तरहरामा यही शनिबार दोस्रो तरहरा ‘१० के रन’ दौड प्रतियोगिता आयोजना हुने भएको छ। शुक्रबार पत्रकार सम्मेलनमार्फत प्रतियोगिताबारे जानकारी दिँदै आयोजक समितिले यसपटक दुई हजार दुई सयभन्दा बढी धावकहरू सहभागी हुने जानकारी गराएको छ।

नेपालका विभिन्न जिल्लाहरूका साथै भारतको सिक्किम, दार्जिलिङ, मिरिकलगायतका स्थानबाट समेत धावकहरूको सहभागिता रहने बताइएको छ। प्रतियोगिताका अध्यक्ष शिवु रुम्दाली राईका अनुसार प्रतियोगिता आठवटा विधामा सञ्चालन हुनेछ, जसमा विभिन्न उमेर समूहका धावकहरू प्रतिस्पर्धा गर्नेछन्।

१२ वर्षभन्दा कम उमेर समूहका बालबालिकाहरूका लागि ३ किलोमिटर दूरीको दौड तय गरिएको छ। यस विधामा प्रथम, द्वितीय र तृतीय हुनेलाई क्रमशः पाँच हजार, तीन हजार र दुई हजार नगदसहित मेडल र प्रमाणपत्र प्रदान गरिनेछ। त्यस्तै, १६ वर्षभन्दा कम उमेरका धावकहरूले १० किलोमिटर दूरी पूरा गर्नुपर्नेछ। यस विधामा विजयी हुनेहरूलाई क्रमशः १० हजार, सात हजार र पाँच हजार नगद पुरस्कार दिइनेछ।

१६ देखि ४० वर्ष उमेर समूहका धावकहरूले १० किलोमिटर दूरी पार गर्नुपर्नेछ। यस समूहका प्रथम, द्वितीय र तृतीय स्थान हासिल गर्ने धावकहरूले क्रमशः ३० हजार, २० हजार र १० हजार नगदसहित मेडल तथा प्रमाणपत्र प्राप्त गर्नेछन्। ४० देखि ६० वर्ष उमेर समूहका प्रतियोगीहरूका लागि पनि १० किलोमिटर दूरी निर्धारण गरिएको छ। यस समूहका विजेताले १० हजार, सात हजार र पाँच हजार नगद पुरस्कार प्राप्त गर्नेछन्।

६० देखि ७५ वर्ष उमेर समूहका प्रतियोगीहरूका लागि समेत १० किलोमिटर दूरी निर्धारण गरिएको छ, जसमा विजेताले तीन हजार, द्वितीय हुनेले दुई हजार र तृतीय हुनेले एक हजार नगदसहित मेडल र प्रमाणपत्र प्राप्त गर्नेछन्। साथै, स्पाइनल इन्जुरी भएकाहरूका लागि १ किलोमिटर दौडको व्यवस्था गरिएको छ। यो समूहका विजेताहरूलाई पाँच हजार, तीन हजार र दुई हजार नगदसहित मेडल र प्रमाणपत्र प्रदान गरिनेछ।

गृहिणी तथा पारिवारिक रमाइलो दौडमा ३ किलोमिटर दूरी तोकिएको छ भने विदेशमा रहेका नेपालीहरूले १० किलोमिटर दूरीमा प्रतिस्पर्धा गर्न पाउनेछन्। यी विधाहरूमा सहभागी सबैलाई प्रमाणपत्र र मेडल प्रदान गरिने आयोजक समितिले जनाएको छ।

प्रतियोगितालाई सफल बनाउन करिब १९ लाख रुपैयाँ खर्च हुने अनुमान गरिएको छ। सहभागीहरूबाट आठ लाख ८० हजार संकलन हुने अनुमान गरिएको छ भने इटहरी उपमहानगरपालिकाबाट तीन लाख रुपैयाँ उपलब्ध गराइनेछ। बाँकी रकम विभिन्न सहयोगी संस्थाहरूबाट संकलन गरिनेछ।

दौड प्रतियोगिता तरहरा चोकबाट सुरु भएर ब्रम्हपुर, अमाहा, इटहरी वडा नं. १ को वडा कार्यालय नजिकै, आँपगाछी हुँदै पुनः तरहरा चोकमा नै आएर टुंगिनेछ। आयोजक समितिले इच्छुक धावकहरूका लागि दर्ता प्रक्रिया खुला रहेको जानकारी गराएको छ। प्रतियोगिताले इटहरी तथा कोशी प्रदेशको खेलकुद संस्कृतिमा नयाँ ऊर्जा थप्ने अपेक्षा गरिएको छ।

सम्बन्धित समाचार

सोलुखुम्बुको फेरिचेमा दुई हेलिकोप्टर ठोक्किएर दुर्घटना, एक विदेशी नागरिकको मृत्यु

काठमाडाैँ। सोलुखुम्बुको खुम्बु पासाङल्हामु गाउँपालिका–४ स्थित फेरिचेमा दुईवटा हेलिकोप्टर एकापसमा ठोक्किएर दुर्घटना हुँदा एकजना विदेशी नागरिकको मृत्यु भएको छ। ​फेरिचे हेलिप्याडमा अव…

इन्फो डेस्क

पहिरोले सोलुखुम्बुकाे इङ्खु नदी थुनियो, तटीय क्षेत्रमा उच्च सतर्कता अपनाउन आग्रह

मकवानपुर । सोलुखुम्बुको महाकुलुङ गाउँपालिका–१ चेरेम गाउँमुनि पहिरो खस्दा इङ्खु नदीको बहाव रोकिएको छ। नदीको बहाव रोकिएर अस्थायी बाँध बनेपछि फुटेर जोखिम निम्तन सक्ने भन्दै सतर्कता अप…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

​सप्तकोशीका ३१ ढोका खोलिए, नदीमा उच्च खतराको सङ्केत

काठमाण्डाैँ । निरन्तरको वर्षाका कारण सुनसरीस्थित सप्तकोशी नदीमा बाढीको खतरा उच्च बनेपछि कोशी ब्यारेजका ३१ वटा ढोका खोलिएका छन्। नदीमा जलसतह खतराको बिन्दु नाघेपछि जोखिम न्यूनीकरणका…

इन्फो डेस्क