इन्फो नेपाल — सञ्चारको सञ्जाल

इटहरीले ल्यायो ३ अर्ब ५७ करोड ८४ लाख ५० हजारको बजेट

इटहरी| इटहरी उपमहानगरपालिकाले आगामी आर्थिक वर्ष २०८१/८२ का लागि ३ अर्ब ५७ करोड ८४ लाख ५० हजार रुपैयाँको बजेट सार्वजनिक गरेको छ। यो बजेट सोमबार राति करिब १० बजे प्रस्तुत गरिएको हो। मूल रूपमा उपमेयर संगीता चौधरीले बजेट प्रस्तुत गर्नुपर्ने भए पनि नेकपा एमालेले इटहरीको नगरसभा बहिष्कार गरेपछि इटहरी ६ का वडाध्यक्ष दिवस पोखरेलले बजेट प्रस्तुत गरे।

बजेटमा चालूतर्फ १ अर्ब ४१ करोड ३४ लाख ३७ हजार र पुँजीगततर्फ २ अर्ब १५ करोड ६० लाख रुपैयाँ छुट्याइएको छ। वडागत सिलिङमा ३८ करोड र नगरस्तरका योजनामा ४५ करोड रुपैयाँ समावेश गरिएको छ। भौतिक पूर्वाधार विकास, स्वास्थ्य र शिक्षाको विकास, समाज परिचालन र समाजिक विकास, कृषि र उत्पादनमा जोड, तथा बाढी नियन्त्रण एवं विपद् जोखिम न्यूनीकरण प्रमुख प्राथमिकतामा परेका छन्।

नगरसभा बहिष्कार

एमालेले बजेटको आकार र सिलिङमा असहमति जनाउँदै नगरसभा बहिष्कार गरेको छ। एमालेका प्रतिनिधिहरूले ३ अर्ब १० करोडको बजेट प्रस्ताव गरेका थिए। तर मेयर पक्षले ४ अर्बको बजेट ल्याउन चाहेकोले सहमति नभएको एमालेका नगरसभा सदस्य प्रमोद शेर्पाले बताए।

बहिष्कारपछि मेयर हेमकर्ण पौडेलले २० जना सदस्यको उपस्थितिमा नगरसभा अघि बढाएका छन्। यो घटनाले इटहरीमा मेयर र एमाले जनप्रतिनिधिबीचको विवाद चर्किएको देखाउँछ। बहुमत सदस्यले बहिष्कार गरेर मेयर एक्लैले नगरसभा सञ्चालन गरेको यो पहिलो घटना हो।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क