इन्फो नेपाल — सञ्चारको सञ्जाल

एमाले विधान महाधिवेशनमा पूर्वराष्ट्रपति भण्डारी प्रतिनिधि बन्न नपाउने

काठमाडौं | नेकपा (एमाले)को विधान महाधिवेशनमा पूर्वराष्ट्रपति विद्यादेवी भण्डारी सहभागी हुने बाटो बन्द भएको छ। बिहीबार बसेको एमाले सचिवालय बैठकले १०औं राष्ट्रिय महाधिवेशनका प्रतिनिधिलाई मात्रै विधान महाधिवेशनको प्रतिनिधि मान्ने प्रस्ताव पारित गरेसँगै भण्डारी सहभागी नहुने निश्चित भएको हो।

बैठकपछि उपमहासचिव प्रदीप ज्ञवालीले १० औं महाधिवेशनको प्रतिनिधिमात्र विधान महाधिवेशनमा प्रतिनिधि बन्न सक्ने प्रावधान रहेको स्पष्ट गरे। ‘१०औं महाधिवेशनमा सहभागी नभएकाहरू प्रतिनिधि बन्नुहुन्न,’ उनले भने, ‘त्यसमा पार्टी विधानमै व्यवस्था छ।’

१० औं महाधिवेशनका बेला राष्ट्रपतिको जिम्मेवारीमा रहेकी भण्डारीले हालै मात्र एमालेको सदस्यता नवीकरण गर्दै पार्टीमा पुनः सक्रिय सहभागिता घोषणा गरेकी थिइन्। तर, त्यसबेला प्रतिनिधि नहुँदा उनी विधान महाधिवेशनको प्रतिनिधिमा पर्न नसक्ने भएको हो।

सचिवालय बैठकले पार्टीका १९ जना पदाधिकारीको संख्यासमेत घटाउने निर्णय गरेको छ। विधान संशोधन प्रस्तावमाथिको छलफलपछि यो व्यवस्था हटाइने निष्कर्षमा पुगेको बैठकले उमेर हद (७० वर्ष) र पदावधिको दुई कार्यकालको सीमा पनि हटाउने तयारी गरेको छ।

१० घण्टाभन्दा बढी समय बसेको बैठकमा विधान संशोधन सम्बन्धी अन्य प्रस्तावमाथि पनि छलफल भएको पार्टीले जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क