इन्फो नेपाल — सञ्चारको सञ्जाल

ऐतिहासिक मकवानपुरगढीलाई साक्षी राख्दै लालीगुराँस र चित्लाङ उपाधि भिडन्तमा

मकवानपुर | हेटौँडाको गौरीटार रंगशालामा भैरहेको एन्फा प्रेसिडेन्ट लिग–२०२५को उपाधिका लागि मंगलवार कास्कीको लालीगुराँस एसोसिएसन र काठमाडौंको चित्लाङ एफसी आमनेसामने हुँदैछन्।

फाइनलअघि आज ऐतिहासिक मकवानपुरगढी क्षेत्रमा सम्पन्न प्रि–म्याच कन्फ्रेन्समा दुवै टोलीका प्रशिक्षक तथा कप्तानले उपाधि जित्ने दाबी प्रस्तुत गर्दै प्रतिस्पर्धालाई थप रोचक बनाएका छन्।

लालीगुराँसका प्रशिक्षक किरण श्रेष्ठले समूह चरणमा चित्लाङलाई ३–० ले पराजित गरेको खेल स्मरण गर्दै सोही स्तरको प्रदर्शन फाइनलमा पनि दोहोर्याउने विश्वास व्यक्त गरे। उनले प्रतिद्वन्द्वीको सम्भावित रणनीति पहिलेदेखि अध्ययन गरिएको र त्यसअनुसार तयारी पूरा भएको बताए। उनका अनुसार खेलाडीहरूको मानसिक स्थिति सकारात्मक छ र सिनियर–जुनियर खेलाडीबीच राम्रो तालमेल बनेको छ।

कप्तान यम बहादुर श्रेष्ठले पनि टोली सुदृढ अवस्थामा रहेको र उपाधि नै लक्ष्य रहेको औपचारिक रूपमा स्पष्ट पारे।

चित्लाङतर्फ प्रशिक्षक सुमन श्रेष्ठले समूह चरणको हारलाई सच्याउने मौका फाइनलमा रहेको बताउँदै टोलीले उपाधिका लागि आक्रामक प्रतिबद्धता जनाएको जानकारी दिए। अनुभवी खेलाडीको उपस्थिति टोलीको मुख्य बलियो पक्ष रहेको उनले उल्लेख गरे। कप्तान कुलदिप कार्कीले मिहेनतको फल रूपमा फाइनल चरणमा पुगेको र उपाधिका लागि थप मिहेनत गर्ने बताए।

समूह ‘ए’ बाट लालीगुराँस विजेता र चित्लाङ उपविजेता बन्दै सेमिफाइनल प्रवेश गरेका थिए। कात्तिक २५ गतेको समूह चरणमा लालीगुराँसले चित्लाङलाई ३–० ले पराजित गरेको थियो।

फाइनल खेल मंगलवार दिउँसो २ बजे सुरु हुनेछ। एन्फाका अनुसार विजेताले उपाधिसहित १० लाख रुपैयाँ तथा उपविजेताले ५ लाख रुपैयाँ प्राप्त गर्नेछ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क