इन्फो नेपाल — सञ्चारको सञ्जाल

ओली भन्छन् ‘रास्वपाले चुनाव भाँड्न खोज्यो’, प्रचण्ड भन्छन् ‘इतिहासले पन्छाएकाहरूले भ्रम फैलाइरहेका छन्’

काठमाडौं/झापा | प्रतिनिधिसभा निर्वाचन नजिकिँदै गर्दा सत्तारूढ नेकपा (एमाले) र नेकपा (माओवादी केन्द्र)का शीर्ष नेताहरूले चुनाव बिथोल्ने प्रयास भइरहेको दाबी गर्दै सुरक्षा, शान्ति र निष्पक्ष वातावरण सुनिश्चित गर्न सरकारलाई दबाब दिएका छन्। दुवै दलका नेताहरूले निर्वाचन नहुने भ्रम फैलाउने, झण्डा जलाउने र अवाञ्छित गतिविधि बढिरहेको भन्दै चिन्ता व्यक्त गरेका छन्।

नेकपा (माओवादी केन्द्र)का संयोजक पुष्पकमल दाहाल ‘प्रचण्ड’ले काठमाडौंमा शनिबार आयोजित कार्यक्रममा चुनाव नहुने भ्रम फैलाउने केही शक्तिहरू सक्रिय भएको बताए। उनले चुनाव हुने निश्चित भइसकेको अवस्थामा ‘इतिहासमा फ्याँकिएका केही मान्छेहरू’ले जनतामा निराशा र अन्योल सिर्जना गर्ने प्रयास गरिरहेको टिप्पणी गरे। ‘हल्ला र भ्रमको पछि नलागी दृढतापूर्वक निर्वाचनको तयारीमा जुट्न कार्यकर्तालाई आग्रह गर्दछु,’ उनले भने। निर्वाचन नै अहिलेको अवस्थामा तुलनात्मक रूपमा सबैभन्दा व्यवहारिक विकल्प भएको उनको भनाइ थियो।

उता, नेकपा एमालेका अध्यक्ष केपी शर्मा ओलीले झण्डा जलाउने घटनालाई गम्भीर आपराधिक कार्य भन्दै कडा आलोचना गरे। शनिबार झापाको भद्रपुरमा कार्यकर्ता भेलालाई सम्बोधन गर्दै ओलीले राजनीतिक दलको झण्डा केवल कपडाको टुक्रा नभई आस्था, विचार र आन्दोलनको प्रतीक भएको बताए। ‘कसैको आस्था र विश्वास जलाउने छुट कसैलाई छैन,’ उनले भने। उनले दाङ र दमकमा भएका झण्डा जलाउने घटनाप्रति संकेत गर्दै यस्ता गतिविधि निर्वाचन बिथोल्ने योजनाको हिस्सा हुन सक्ने दाबी गरे।

ओलीले निर्वाचन प्रक्रियामा जबर्जस्ती, भय र त्रासको वातावरण सिर्जना गर्न खोजिएको आरोप लगाउँदै शान्तिपूर्ण प्रतिस्पर्धाको वातावरण आवश्यक रहेको बताए। सोही कार्यक्रममा झापा–३ का सयौँ युवाहरू एमालेमा प्रवेश गरेको दाबी गर्दै पार्टीले युवा पुस्ताको उत्साह बढेको जनाएको छ।

यसैबीच, नेकपा एमालेले शनिबार विज्ञप्ति जारी गर्दै राष्ट्रिय स्वतन्त्र पार्टी (रास्वपा) माथि निर्वाचन बिथोल्ने प्रयास गरेको आरोप लगाएको छ। फागुन २१ गते हुने प्रतिनिधिसभा निर्वाचन नजिकिँदै गर्दा देशभर भय र त्रासको वातावरण सिर्जना गर्ने, दलका झण्डा र चुनाव चिन्ह जलाउने, घृणा फैलाउने तथा फेक सर्वेक्षण सार्वजनिक गर्ने गतिविधि बढेको एमालेको दाबी छ। यस्ता गतिविधिलाई चुनावी द्वन्द्वतर्फ धकेल्ने गम्भीर षड्यन्त्रका रूपमा व्याख्या गर्दै एमालेले सरकारलाई शान्ति सुरक्षा विश्वसनीय रूपमा कायम गर्न आग्रह गरेको छ।

एमालेले निर्वाचन आचारसंहिताको उल्लङ्घन भइरहे पनि सम्बन्धित निकायको प्रभावकारी निगरानी नदेखिएकोप्रति असन्तोष जनाएको छ। होली पर्वको बहानामा दल र नेताको तस्बिर अंकित सामग्री वितरणजस्ता गतिविधिलाई उदाहरण दिँदै एमालेले निर्वाचन आयोगको भूमिकाप्रति समेत प्रश्न उठाएको छ।

दलहरूबीच आरोप–प्रत्यारोप बढ्दै जाँदा निर्वाचनको सुरक्षा र निष्पक्षताबारे बहस तीव्र बन्दै गएको छ। सरकार र सुरक्षा निकायमाथि शान्तिपूर्ण, भयरहित र विश्वसनीय निर्वाचन वातावरण निर्माण गर्ने दबाब बढ्दै गएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क