इन्फो नेपाल — सञ्चारको सञ्जाल

कप्तान साम्बा हेटौँडामा सम्मानित

हेटौँडा | नेपाली महिला राष्ट्रिय फुटबल टोलीकी कप्तान सावित्रा भण्डारी ‘साम्बा’लाई हेटौंडामा विशेष सम्मान गरिएको छ। ‘देश चिनाउनेसँग हाम्रो चिनजान’ भन्ने नारासहित सञ्चारिका समूह मकवानपुरले शनिबार आयोजना गरेको कार्यक्रममा साम्बालाई पचास हजार नगदसहित सम्मानपत्र प्रदान गरिएको हो।

साम्बालाई सञ्चारिका समूह मकवानपुरकी अध्यक्ष सानुमाया गुरुङ, हेटौँडा उपमहानगरपालिकाका उपप्रमुख राजेश बानियाँ र हेटौँडा स्कुल अफ म्यानेजमेन्टका प्रिन्सिपल पुरण जोशीले संयुक्त रूपमा सम्मान गरे।

सम्मान ग्रहण गर्दै साम्बाले देशलाई विश्वसामु चिनाउने लक्ष्यले अघि बढेको बताइन्। उनले महिलामैत्री खेलकुद वातावरण बनाउन राज्य र समाजको थप सहयोग आवश्यक रहेकोमा जोड दिइन्।

हाल न्युजिल्याण्डको एक क्लबसँग आबद्ध साम्बा अब अष्ट्रेलियाली लिग खेल्ने तयारीमा छिन्। यसअघि उनले फ्रान्स, भारत र इजरायलका क्लबसँग खेल्दै अन्तर्राष्ट्रिय अनुभव आर्जन गरेकी थिइन्। नेपाली महिला फुटबल इतिहासकै सफल खेलाडी मानिने साम्बाले राष्ट्रिय टोलीबाट हालसम्म त्रियालीस गोल गरिसकेकी छन्, जुन कीर्तिमान हो।

कार्यक्रममा मकवानपुरका प्रमुख जिल्ला अधिकारी स्किम श्रेष्ठ, एन्फाका केन्द्रीय सदस्य टीकाराम लामा, उद्योग वाणिज्य संघका अध्यक्ष प्रमोद सिंह रानाभाट, पत्रकार महासंघ बागमती प्रदेशका उपाध्यक्ष हरि हुमागाई, जिल्ला अध्यक्ष बालकृष्ण अधिकारीसहित स्थानीय सरोकारवालाको उपस्थिति थियो।

हेटौँडाका उपप्रमुख बानियाँले नगरस्तरमै खेल पूर्वाधार विस्तार गर्ने योजना सुनाउँदै साम्बाजस्ता रोल मोडलले युवा पुस्तालाई फुटबलप्रति आकर्षित गर्ने विश्वास व्यक्त गरे। प्रायोजक पुरण जोशीले साम्बाले अन्तर्राष्ट्रिय स्तरमा पुर्‍याएको योगदान देशकै गौरव भएको भन्दै आगामी दिनमा पनि यस्ता प्रतिभाको साथ र समर्थनमा रहने बताए।

सञ्चारिका समूहकी अध्यक्ष गुरुङले साम्बाको उपलब्धि सम्पूर्ण देशकै गौरव भएको उल्लेख गर्दै, महिला पत्रकारको तर्फबाट प्रेरणादायी पात्रलाई सम्मान गर्नु सामाजिक जिम्मेवारी भएको बताइन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क