इन्फो नेपाल — सञ्चारको सञ्जाल

कस्तो रहला दशैँ अवधिभर मौसम?

हेटौँडा । दशैँ पर्व नजिकिँदै गर्दा नेपालमा मनसुन वायुको प्रभाव केही कमजोर भए पनि अझै पूर्ण रूपमा बाहिरिएको छैन। मौसम पूर्वानुमान महाशाखाले जारी गरेको दशैँ विशेष मौसम बुलेटिन अनुसार यस वर्ष दशैँ अवधिभर देशका विभिन्न भूभागमा मनसुनको अस्थायी प्रभाव रहिरहने देखिएको छ। महाशाखाका विज्ञहरूले सामान्यतया नेपालमा मनसुन अक्टोबर २ तारिखतिर बाहिरिने भए पनि प्रत्येक वर्ष यसको मिति फरक पर्न सक्ने बताएका छन्।

असोज १४ अर्थात अष्टमीका दिन बागमती र गण्डकी प्रदेशका पहाडी भूभाग तथा कोशी प्रदेशका पहाडी र तराई भूभागमा हल्का देखि मध्यम वर्षा हुने सम्भावना रहेको महाशाखाले जनाएको छ। त्यसपछि नवमीका दिन, असोज १५, कोशी, बागमती र गण्डकी प्रदेशका पहाडी भूभागमा वर्षा हुने देखिएको छ। दशमीका दिन, असोज १६, बागमती, गण्डकी, लुम्बिनी र कर्णाली प्रदेशका पहाडी भूभाग तथा कोशी प्रदेशका पहाडी र तराई भूभाग, मधेस र सुदूरपश्चिम प्रदेशका केही स्थानहरूमा पनि हल्का देखि मध्यम वर्षा हुने सम्भावना रहेको छ।

विज्ञहरूले पर्वको समयमा उपत्यका, तराई र पहाडी भूभागमा मनसुनको प्रभावले अस्थायी वर्षा वा आकाशे बदलीको अवस्था रहिरहने भएकाले सावधानी अपनाउन सुझाव दिएका छन्।

यस वर्षको दशैँ मनसुन प्रभावमुक्त नहुने भएकाले पर्वका दिनहरूमा परम्परागत कार्यक्रममा केही असुविधा आउन सक्ने मौसम पूर्वानुमान महाशाखाले जनाएको छ । तर, हल्का वर्षा भएकाले यसले सामान्य दैनिक जीवनमा ठूलो असर नपर्ने अपेक्षा गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क