इन्फो नेपाल — सञ्चारको सञ्जाल

काठमाडौंमा राजावादी आन्दोलन उग्र, आगजनी, लुटपाट र कर्फ्यू

काठमाडौं | राजावादीहरूको आन्दोलन हिंसात्मक बन्दै गएपछि काठमाडौंको तीनकुने, कोटेश्वर र सिनामंगल क्षेत्रमा कर्फ्यू लगाइएको छ। शुक्रबार अपराह्न ४:२५ बजेबाट लागू भएको कर्फ्यू राति १० बजेसम्म कायम रहने छ। सुरक्षालाई मध्यनजर गर्दै नेपाली सेना समेत परिचालन गरिएको छ।

तीनकुनेबाट लखेटिएपछि राजावादीहरूको समूह कोटेश्वर पुगेको थियो। त्यहाँ उनीहरूले भाटभटेनी सुपर स्टोरमा आगजनी, तोडफोड र लुटपाट मच्चाएका छन्। आन्दोलनकारीहरूले सटर बन्द गरिएका भाटभटेनीबाट जबरजस्ती सामान उठाउँदै लगेका थिए। लुटपाटका क्रममा ढुंगामुढासमेत भएको छ।

राजावादीहरूको आन्दोलन हिंसात्मक बनेपछि प्रहरी र प्रदर्शनकारीहरूबीच तीनकुनेमा झडप भएको छ। प्रदर्शनकारीहरूले त्यहाँको एक घरमा आगजनी गरेका छन्। यस्तै, आन्दोलनकारीहरूले कान्तिपुर र अन्नपूर्ण पोस्टका कार्यालयमा समेत आक्रमण गरेका छन्। उनीहरूले कार्यालयका झ्यालका सिसा फुटाउनुका साथै तोडफोड गरेका छन्।

राजावादीका नाममा अराजक समूह बागमती नदी तरेर एकीकृत समाजवादीको आलोकनगरस्थित केन्द्रीय कार्यालयमा पुगेको थियो। त्यहाँ उनीहरूले ढुंगामुढा गर्दै कार्यालयका कागजात बाहिर निकाली जलाएका छन्। यस्तै, कोटेश्वरस्थित जडीबुटी उद्योगमा आगजनी गरिएको छ। आगलागीका कारण उद्योग परिसरमा रहेका आधा दर्जन सवारीसाधन जलेका छन्।

तीनकुनेमा झडपपछि राजावादी आन्दोलनका नेताहरू दुर्गा प्रसाईं, नवराज सुवेदी, धवल शमशेर र राप्रपाका वरिष्ठ उपाध्यक्ष रविन्द्र मिश्र गाडी चढेर भागेका छन्। राजधानीका केही हिंसाग्रस्त क्षेत्रमा सेना परिचालनको आदेश दिइएको छ भने प्रहरीले अराजक गतिविधि नियन्त्रण गर्न हवाई फायरसमेत गरेको छ।

काठमाडौंका सहायक प्रमुख जिल्ला अधिकारी अशोक कुमार भण्डारी का अनुसार तीनकुने, कोटेश्वर र सिनामंगल क्षेत्रमा कर्फ्यू आदेश जारी गरिएको छ। प्रहरीले अराजक समूहलाई नियन्त्रणमा लिन कडा कदम चाल्ने चेतावनी दिएको छ। तर, अहिलेसम्म राजधानीका विभिन्न भागमा प्रदर्शन जारी नै रहेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क