इन्फो नेपाल — सञ्चारको सञ्जाल

कान्छीमायालाई मार्ने बघिनी नियन्त्रणमा

मकवानपुर | मकवानपुरको मनहरी गाउँपालिका–५ वसन्तपुरमा वृद्धा कान्छीमाया रुम्बालाई आइतबार साँझ आक्रमण गरी ज्यान लिने बघिनीलाई अन्ततः नियन्त्रणमा लिइएको छ।

पर्सा वन्यजन्तु आरक्षणको सुरक्षा टोली, चितवन राष्ट्रिय निकुञ्जका प्राविधिक र मनहरी गाउँपालिका–३ लामिटार बेसबाट खटिएको नेपाली सेनाको विशेष टोलीले बाघलाई खोजी गरी मङ्गलबार साँझ नियन्त्रणमा लिएको हो। चार वटा हात्तीको सहयोग र डार्ट प्रविधिको प्रयोग गरी बघिनीलाई सुकौरा खोलामा फेला पारिएको थियो।

पर्सा वन्यजन्तु आरक्षण र चितवन निकुञ्जको सहकार्यमा लामो प्रयासपछि बघिनीलाई नियन्त्रणमा लिन सफल भएको जिल्ला प्रहरी कार्यालय मकवानपुरका प्रहरी नायव उपरीक्षक श्यामु अर्यालले जानकारी दिनुभयो।

बघिनीलाई नियन्त्रणमा लिन ठूलो टोली परिचालन गरिएको थियो। सोमबारदेखि सुरु भएको खोजी अभियान अन्तर्गत चारजना प्राविधिकसहितको टोली, नेपाली सेना, र आरक्षणका कर्मचारी खटिएका थिए। आक्रमणकारी बघिनीलाई अहिले पर्सा राष्ट्रिय निकुञ्जमा पठाइएको छ।

आक्रमणमा परेकी वृद्धा रुम्बाको घटनाले स्थानीय क्षेत्रमा त्रास फैलिएको थियो। अब भने बघिनीको नियन्त्रणले स्थानीयले राहत महसुस गरेका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क