इन्फो नेपाल — सञ्चारको सञ्जाल

कुलमान घिसिङलाई हटाउन प्रधानमन्त्री ओली 'अन्तिम तयारीमा'

काठमाडौं | नेपाल विद्युत प्राधिकरण (एनईए) का प्रबन्ध निर्देशक कुलमान घिसिङलाई हटाउन प्रधानमन्त्री केपी शर्मा ओलीले अन्तिम योजना तयार पारेको स्रोतले जनाएको छ। चीन भ्रमणबाट फर्किएलगत्तै ओलीले घिसिङलाई पदमुक्त गर्ने रणनीतिमा तीव्रता ल्याएका हुन्।

ओलीको निर्देशनमा ऊर्जा, जलस्रोत तथा सिँचाइमन्त्री दीपक खड्काले १९ मंसिरमा प्राधिकरणको कार्यालयमा प्रवेश गरी कार्यकक्षमा बसेर योजना अघि बढाएका थिए। यसअघि, प्राधिकरणले असोज २३ र कात्तिक १३ गते क्रमशः १५ र ७ बुँदे स्पष्टीकरण माग गरेको थियो।

प्रधानमन्त्री ओलीका नजिकका सल्लाहकारहरू, जस्तै प्रमुख सल्लाहकार विष्णु रिमाल र प्रमुख आर्थिक सल्लाहकार डा. युवराज खतिवडा, घिसिङलाई हटाउने योजनामा सक्रिय छन्। अख्तियार दुरुपयोग अनुसन्धान आयोगमा पनि घिसिङविरुद्ध आर्थिक अनियमितताको उजुरी परेको छ।

यसबीच, घिसिङको लोडसेडिङ अन्त्यका प्रयास र आम नागरिकबीच ‘उज्यालोका नायक’को छविलाई कमजोर बनाउने योजना अघि बढाइएको छ। माओवादी नेतृत्वको सरकारका ऊर्जामन्त्री जनार्दन शर्माको कार्यकालमा नियुक्त भएका घिसिङलाई हटाउने मुख्य उद्देश्य राजनीतिक प्रतिस्पर्धा र आर्थिक स्वार्थसँग जोडिएको छ।

ओली नेतृत्वको सरकारले उद्योगीहरूका स्वार्थमा विद्युत महसुल मिनाहा गर्न घिसिङलाई हटाउने दबाब दिँदै आएको छ। डेडिकेटेड र ट्रंकलाइन महसुल विवादलाई लिएर प्राधिकरणले अर्बौं रुपैयाँको महसुल उठाउन खोज्दा सरकारभित्रैबाट अवरोध भइरहेको आरोप छ।

प्राधिकरणले गत असारमा ६ ठूला उद्योगको लाइन काटेको घटनाले उद्योगी र सरकारबीच तनाव बढाएको थियो। लाइन काटिएका उद्योगमा पुनः विद्युत आपूर्ति गराउन प्रधानमन्त्री ओलीले निर्देशन दिएको आरोप लगाइएको छ।

स्रोतका अनुसार, ओलीले अख्तियार र अन्य निकायमार्फत घिसिङविरुद्ध भ्रष्टाचार मुद्दा चलाउन योजना बनाएका छन्। हालको परिदृश्यले सार्वजनिक संस्थानको नेतृत्व परिवर्तनलाई राजनीतिक स्वार्थका लागि प्रयोग गरिएको स्पष्ट देखाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क