इन्फो नेपाल — सञ्चारको सञ्जाल

कैलालीमा छाउगोठमा सुतेकी महिलामाथि बाघको आक्रमण

टीकापुर | कैलालीको मोहन्याल गाउँपालिका–७ कुइनेमा छाउगोठमा सुतेकी एक महिलामाथि बाघले आक्रमण गरेको छ। माघ १३ गते राति साढे दश बजेतिर ४५ वर्षीया सरस्वती बिटालुलाई बाघले छाउगोठमा आक्रमण गरेको हो।

बाघले आक्रमण गरेपछि छाउगोठ वरपरका स्थानीयवासीले होहल्ला र बिजुलीको उज्यालो देखाएर बाघलाई भगाएका थिए। घटनामा बिटालुको टाउकोमा बाघको पञ्जा लाग्दा घाउ भएको छ भने अनुहारमा पनि चोटपटक लागेको छ। सरस्वती बिटालुलाई गम्भीर चोटपटक नभएको र हाल लम्कीमा उपचारका लागि लगिएको कुइनेका स्थानीय वीरेन्द्रबहादुर रावलले जानकारी दिएका छन्।

बाघ आक्रमणको समयमा बिटालुका श्रीमान् रोजगारीका लागि भारतमा रहेका कारण उनी घरमा एक्लै थिइन्।

सुदूरपश्चिम र कर्णाली प्रदेशका धेरै स्थानमा महिनावारी भएका महिलालाई छाउगोठमा बस्न बाध्य पारिन्छ। छाउगोठहरू असुरक्षित हुने भएकाले महिलाहरू बाघको आक्रमण, बलात्कार, र अन्य हिंसात्मक घटनाका शिकार हुँदै आएका छन्।

मोहन्याल गाउँपालिकामा बाघले किसानका बाख्रा, गाईलगायतका चौपाया आक्रमण गर्ने घटना सामान्यजस्तै भएको छ। बर्दिया राष्ट्रिय निकुञ्ज नजिकै रहेको र मोहन्याल क्षेत्र घना जङ्गलले भरिएको हुँदा बाघ बस्तीमा पस्ने र आक्रमण गर्ने घटना बारम्बार हुने गरेको छ।

यो घटनाले महिलामाथि हुने छुवाछुत र असुरक्षाको विषयमा गम्भीर प्रश्न खडा गरेको छ। सरकारी निकाय र सरोकारवालाहरूले यस विषयमा शीघ्र कदम चाल्न आवश्यक देखिन्छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क