इन्फो नेपाल — सञ्चारको सञ्जाल

कैलाश गाउँपालिकामा पहिलो पटक एसईई परीक्षा केन्द्र, तयारी पूरा

हेटौँडा | मकवानपुरको कैलाश गाउँपालिकामा पहिलो पटक माध्यमिक शिक्षा परीक्षा (एसईई) को परीक्षा केन्द्र सञ्चालन हुने भएको छ। आगामी बिहीबारबाट सुरु हुने परीक्षाका लागि कैलाश–९ स्थित कालिका माध्यमिक विद्यालयलाई परीक्षा केन्द्रका रूपमा तोकिएको छ। यसअघि विद्यार्थीहरूले मनहरी, थाहा र हेटौंडा पुगेर परीक्षा दिनुपर्ने बाध्यता थियो। गाउँपालिकामै परीक्षा केन्द्र कायम गरिएपछि विद्यार्थीहरूलाई सुविधा पुग्ने गाउँपालिका अध्यक्ष लोकबहादुर मुक्तानले बताएका छन्।

बुधबार गाउँपालिका अध्यक्ष मुक्तान, उपाध्यक्ष बालकुमार मल्ल, वडा नं. ९ का अध्यक्ष भुवनसिंह घलान, शिक्षा शाखा प्रमुख समीर जोशी, स्रोत शिक्षक ध्रुवराज विष्ट, प्राविधिक सहायक दीपेन्द्र अधिकारीसहितको टोलीले परीक्षा केन्द्रको निरीक्षण गरेको छ। यो वर्ष कैलाशका पाँच विद्यालयबाट १४९ जना नियमित र ६७ जना ग्रेडवृद्धि गरी जम्मा २१६ जना विद्यार्थी एसईई परीक्षा दिनेछन्।

भौगोलिक विकटता र आवतजावतको कठिनाइलाई मध्यनजर गर्दै परीक्षा अवधिभर विद्यार्थीहरूका लागि खाना र आवासको समेत व्यवस्था गरिएको छ। गाउँपालिकाको स्वास्थ्य तथा शिक्षा शाखाबाट एक–एक जना कर्मचारी खटाइनेछ भने केन्द्रमा स्वास्थ्यकर्मी र सुरक्षाकर्मीहरूको पनि व्यवस्था गरिनेछ। अध्यक्ष मुक्तानले परीक्षाका क्रममा विद्यार्थी तथा अभिभावकको कुनै गुनासो नआउने गरी तयारी पूरा भइसकेको जानकारी दिए।

यस पटक कैलाशका विभिन्न विद्यालयहरूबाट परीक्षा दिन लागेका विद्यार्थीहरूमध्ये कमलादेवी माविबाट २८ जना नियमित र ११ जना ग्रेडवृद्धि, भवानी माविबाट ४६ जना नियमित र २५ जना ग्रेडवृद्धि, व्यास माविबाट ४८ जना नियमित र १८ जना ग्रेडवृद्धि, धुवाङ माविबाट ९ जना नियमित र २ जना ग्रेडवृद्धि तथा रत्नज्योति माविबाट १८ जना नियमित र ११ जना ग्रेडवृद्धि विद्यार्थी परीक्षा दिनेछन्। यस्तै, कालिका माविबाट ४५ जना नियमित र १० जना ग्रेडवृद्धि गरी कुल विद्यार्थी संख्या २१६ पुगेको छ। कालिका माविका विद्यार्थी भने हेटौंडा–४ स्थित भुटनदेवी माविबाट परीक्षा दिने व्यवस्था गरिएको छ।

यस वर्ष मकवानपुर जिल्लाभर नियमित ५,८६५ जना र ग्रेडवृद्धितर्फ १,५९१ जना गरी जम्मा ७,४५६ जना विद्यार्थी एसईई परीक्षामा सहभागी हुने भएका छन्।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क