इन्फो नेपाल — सञ्चारको सञ्जाल

गोरखामा सवा लाख रोट महोत्सव सुरु, ५० हजारभन्दा बढी भक्तजनको सहभागिता हुने

गोरखा | ऐतिहासिक तथा धार्मिक महत्व बोकेको गोरखाको गोरखनाथ मन्दिरमा आजदेखि २२औँ सवा लाख रोट महोत्सव सुरु गरिएको छ। विश्व शान्तिको कामनासहित र धार्मिक पर्यटन प्रवर्द्धन गर्ने उद्देश्यले सिद्धाश्रम शक्ति केन्द्र नेपालले महोत्सवको आयोजना गरेको हो।

गुरु गोरखनाथलाई मन पर्ने परिकार मानिने ‘रोट’ यस महोत्सवमा विशेष रूपमा चढाइने परम्परा छ। एघार दिनसम्म चल्ने महोत्सवको पहिलो दिन सदरमुकाम हरमटारी चोकबाट गोरखा दरबारस्थित गोरखानाथ गुफासम्म कलश र रथ यात्रा निकालिएको थियो। कार्यक्रमका संयोजक किशोरकुमार अकेलाका अनुसार, विगत २२ वर्षदेखि नियमित रूपमा रोट चढाउने परम्परालाई महोत्सवका रूपमा संस्थागत गरिएको हो।

उनले भने, “हाम्रो विश्वास अनुसार गोरखनाथ पहिलोपटक यही गुफामा प्रकट भएका थिए, त्यसैले यहाँ रोट चढाउने धार्मिक परम्परा विशेष छ। अहिले महोत्सवको रूपमा सवा लाख रोट चढाइँदैछ।”

रोट बनाउनका लागि चामलको पिठो, नरिवल, ल्वाङ, अलैँची, चिनी लगायत ५२ प्रकारका मसला घ्यूमा मिसाएर पकाइन्छ। परम्परागत मान्यताअनुसार, नेपाल एकीकरणका बेला राजा पृथ्वीनारायण शाहले आफ्ना सैनिकलाई रोट र एक माने पानी दिएपछि लामो समयसम्म लडाइँ लड्न सक्ने शक्तिशाली ऊर्जा प्राप्त भएको विश्वास पनि छ। त्यसैले रोटलाई ‘शक्तिवर्धक प्रसाद’ को रूपमा पनि हेरिन्छ।

महोत्सव अवधिभर देशभरबाट आउने भक्तजनका लागि आयोजक संस्थाले खाना, आवास र अन्य आवश्यक व्यवस्थापन मिलाएको छ। यसपटक करिब ५० हजारभन्दा बढी धार्मिक पर्यटकको सहभागिता रहने अनुमान गरिएको संयोजक अकेलाले जानकारी दिए।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क