इन्फो नेपाल — सञ्चारको सञ्जाल

गोल्डकपको फाइनलमा पुलिस र एपीएफ भिड्दै, स्कुटर पुरस्कारको प्रतिस्पर्धा चुलियो

हेटौँडा । मकवानपुरको हेटौँडामा जारी सहिद स्मृति राष्ट्रिय महिला गोल्डकप फुटबल प्रतियोगिता अब उपाधिको चरणमा पुगेको छ। फाइनलमा दुई विभागीय टिम – नेपाल पुलिस क्लब र सशस्त्र प्रहरी बल (एपीएफ) आमनेसामने हुने भएका छन्।

गौरीटार रंगशालामा मंगलबार भएको सेमिफाइनल खेलमा एपीएफले संकटालाई २–० ले हराउँदै उपाधि भिडन्तमा पुलिससँगको टक्कर पक्का गर्‍यो। खेलको पहिलो हाफ गोलरहित रह्यो। तर ७१ औं मिनेटमा रश्मि घिसिङ र ७६ औं मिनेटमा अनिता केसीले गोल गर्दै टिमलाई फाइनलमा पुर्‍याए।

दुवै गोल कप्तान अनिता बस्नेतको कर्नर र पासबाट सम्भव भए। रेनुका नगरकोटी प्लेयर अफ द म्याच घोषित भइन्। उनले नगद १० हजार रुपैयाँ र ट्रफी हात पारिन्।

पहिलो सेमिफाइनल खेलमा पुलिस क्लबले चितवनलाई ७–० को फराकिलो अन्तरले हराउँदै फाइनल यात्रा तय गरेको थियो। पुलिसको जितमा मीना देउवा र निर्मा उपाध्यायले ह्याट्रिक गरे। देउवाले २१औं, ४०औं र ५९औं मिनेटमा तीन गोल गरिन् भने उपाध्यायले ३४औं, ६६औं र ८०औं मिनेटमा ह्याट्रिक पुरा गरिन्। सुष्मा तामाङले पनि ४५औं मिनेटमा एक गोल थपिन्।

मीना देउवा म्यान अफ द म्याच घोषित भइन् र उनले पनि नगद १० हजार रुपैयाँसहित ट्रफी प्राप्त गरिन्।

मकवानपुर जिल्ला फुटबल संघको आयोजनामा भइरहेको प्रतियोगिताको फाइनल बिहीबार दिउँसो ३ बजे हेटौँडाको गौरीटार रंगशालामा हुनेछ। ८ टिमको सहभागिता रहेको प्रतियोगिताको विजेताले ५ लाख नगद, उपविजेताले ३ लाख नगदसहित ट्रफी र प्रमाणपत्र प्राप्त गर्नेछन्।

फाइनलमा प्रदर्शन गर्ने सर्वोत्कृष्ट खेलाडीले स्कुटर पुरस्कार पाउनेछन् भने, विभिन्न विधागत उत्कृष्ट खेलाडीलाई पनि नगद र ट्रफी प्रदान गरिनेछ। हरेक खेलको म्यान अफ द म्याचलाई १० हजार रुपैयाँ दिइँदै आएको छ।

सम्बन्धित समाचार

एनपीएलको इलिमिनेटरमा आज चितवन र काठमाण्डौ खेल्दै

काठमाडाैँ । नेपाल प्रिमियर लिग (एनपीएल) क्रिकेटको इलिमिनेटर खेलमा आज चितवन राइनोज र काठमाण्डौ गोर्खाजबीच प्रतिस्पर्धा हुँदैछ। खेल बेलुका ५ बजे कीर्तिपुरस्थित त्रिवि क्रिकेट रङ्गशाल…

इन्फो डेस्क

बागमती प्रदेश खेलकुद विकास परिषद्मा अधिकांश खेल संघ दर्ता छैनन्, पटक–पटकको सूचना बेवास्ता

मकवानपुर । बागमती प्रदेश खेलकुद विकास परिषद्मा अधिकांश खेल संघसंस्थाले दर्ता, आबद्धता तथा नवीकरण प्रक्रिया पूरा गरेका छैनन्। पटक–पटक सूचना जारी गरे पनि संघहरूले बेवास्ता गरेपछि परि…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

एनपीएलको पहिलो क्वालिफायरमा आज लुम्बिनी र सुदूरपश्चिम खेल्दै

काठमाडाैँ । नेपाल प्रिमियर लिग (एनपीएल) क्रिकेटको पहिलो क्वालिफायरमा आज साविक उपाधि विजेता लुम्बिनी लायन्स र सुदूरपश्चिम रोयल्स खेल्दैछन् । यो खेल बेलुकी ५ बजे कीर्तिपुरको त्रिवि अ…

इन्फो डेस्क