इन्फो नेपाल — सञ्चारको सञ्जाल

चित्रकला मार्फत मुन्दुम पदमार्गको प्रवर्द्धन

भोजपुर |  नेपाल सरकारले घोषणा गरेका १०० प्रमुख पर्यटकीय गन्तव्यहरूमध्ये एक, मुन्दुम पदमार्गको प्रवर्द्धन र संरक्षणका लागि भोजपुरको चखेवामा आयोजित ‘टेम्केमैयुङ राष्ट्रिय चित्रकला कार्यशाला’ सफलतापूर्वक सम्पन्न भएको छ।

तीन दिनसम्म चलेको कार्यशालामा मुलुकका विभिन्न भागबाट आएका २० जना राष्ट्रिय स्तरका चित्रकारले मुन्दुम क्षेत्रको प्राकृतिक सौन्दर्य, किराँत संस्कृति, जनजीवन, धार्मिक–ऐतिहासिक सम्पदा तथा जैविक विविधतालाई आफ्ना चित्रमा समेटेका थिए।

कार्यशालाको उद्देश्य पदमार्गलाई पर्यटन, कला र संस्कृतिको मिलनबिन्दुका रूपमा स्थापित गर्दै, स्थानीय पहिचानलाई राष्ट्रिय र अन्तर्राष्ट्रिय स्तरमा उजागर गर्नु रहेको आयोजकहरू बताउँछन्। कार्यक्रम संयोजक नभराज माङ्गपाहाङ्गका अनुसार, “मुन्दुम पदमार्गको अद्वितीय सांस्कृतिक, जैविक र पर्यावरणीय विविधता चित्रमा उतारेर त्यसको मौलिकता सन्देशमार्फत दर्शकसामु पुर्‍याउने प्रयास गरिएको हो।”

कार्यशालामा सिर्जना गरिएका चित्रहरू आगामी दिनमा काठमाडौंमा प्रदर्शनीमार्फत सार्वजनिक गरिनेछन्, जसले मुन्दुम पदमार्गको प्रचार–प्रसारमा थप योगदान पुर्‍याउने चित्रकला विभाग प्रमुख सञ्जय बान्तावाले जानकारी दिए।

चित्रहरूमा रेड पाण्डा (हाब्रे), किराँती भेषभूषा, परम्परागत जीवनशैली, तायामा खियामा, चिण्डो जस्ता जीवजन्तु, तथा स्थानीय धार्मिक स्थलहरूको विशिष्ट झल्को प्रस्तुत गरिएको थियो।

टेम्केमैयुङ गाउँपालिकाका अध्यक्ष सरोज बस्नेतले मुन्दुम पदमार्गलाई केवल पर्यटकीय गन्तव्य नभई योग र ध्यान केन्द्र, सांस्कृतिक संग्रहालय तथा अनुसन्धान केन्द्रका रूपमा विकास गर्ने योजना साझा गरे।

उनका अनुसार, पदमार्गको समृद्ध संस्कृति र जैविक विविधता संरक्षणसहित प्रवद्र्धन गर्न अबको केही वर्षभित्र स्थायी संरचना निर्माण गर्ने कार्य अघि बढाइएको छ।

कार्यशालाको समापन समारोह नेपाल ललितकला प्रज्ञा प्रतिष्ठानका कुलपति नारदमुनी हार्ताछालीको प्रमुख आतिथ्यमा सम्पन्न भयो। उनले कार्यशालालाई कला र पर्यटनबीचको सिर्जनात्मक सहकार्यको उत्कृष्ट उदाहरण भन्दै यस्ता कार्यक्रमले सांस्कृतिक सम्पदाको संरक्षण र स्थानीय पर्यटन विकासमा उल्लेख्य योगदान पुर्‍याउने धारणा व्यक्त गरे।

कार्यक्रम नेपाल पर्यटन बोर्डको प्रवद्र्धन, नेपाल ललितकला प्रज्ञा प्रतिष्ठानको सहकार्य र टेम्केमैयुङ गाउँपालिकाको आयोजनामा सम्पन्न भएको हो।

यस अवसरमा वडा नं. ४ का वडाध्यक्ष हर्कराज राई, विभिन्न राजनीतिक दलका प्रतिनिधिहरू, व्यापारी, स्थानीय कलाकार, समुदायका अगुवा र सर्वसाधारणको उत्साहजनक उपस्थिति देखिएको थियो।

सम्बन्धित समाचार

सोलुखुम्बुको फेरिचेमा दुई हेलिकोप्टर ठोक्किएर दुर्घटना, एक विदेशी नागरिकको मृत्यु

काठमाडाैँ। सोलुखुम्बुको खुम्बु पासाङल्हामु गाउँपालिका–४ स्थित फेरिचेमा दुईवटा हेलिकोप्टर एकापसमा ठोक्किएर दुर्घटना हुँदा एकजना विदेशी नागरिकको मृत्यु भएको छ। ​फेरिचे हेलिप्याडमा अव…

इन्फो डेस्क

पहिरोले सोलुखुम्बुकाे इङ्खु नदी थुनियो, तटीय क्षेत्रमा उच्च सतर्कता अपनाउन आग्रह

मकवानपुर । सोलुखुम्बुको महाकुलुङ गाउँपालिका–१ चेरेम गाउँमुनि पहिरो खस्दा इङ्खु नदीको बहाव रोकिएको छ। नदीको बहाव रोकिएर अस्थायी बाँध बनेपछि फुटेर जोखिम निम्तन सक्ने भन्दै सतर्कता अप…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

​सप्तकोशीका ३१ ढोका खोलिए, नदीमा उच्च खतराको सङ्केत

काठमाण्डाैँ । निरन्तरको वर्षाका कारण सुनसरीस्थित सप्तकोशी नदीमा बाढीको खतरा उच्च बनेपछि कोशी ब्यारेजका ३१ वटा ढोका खोलिएका छन्। नदीमा जलसतह खतराको बिन्दु नाघेपछि जोखिम न्यूनीकरणका…

इन्फो डेस्क