इन्फो नेपाल — सञ्चारको सञ्जाल

जलवायु परिवर्तन सम्बन्धी बागमती प्रदेशका सञ्चारकर्मीहरुको क्षमता अभिवृद्धि कार्यक्रम सम्पन्न

हेटौँडा | जलवायु परिवर्तन र त्यसले निम्त्याउने प्रभावका विषयमा बागमती प्रदेशका सञ्चारकर्मीहरुको क्षमता अभिवृद्धि गर्ने उद्देश्यले आयोजना गरिएको कार्यक्रम आज हेटौंडामा सम्पन्न भएको छ। कार्यक्रम बागमती प्रदेशको वन तथा वातावरण मन्त्रालयको आयोजनामा संचालन गरिएको थियो।

कार्यक्रमको उद्घाटन गर्दै वन तथा वातावरण मन्त्री कृष्ण प्रसाद सिल्वालले जलवायु परिवर्तन मुख्यतः मानवीय क्रियाकलापका कारण हरितगृह ग्यासहरुको उत्सर्जन वृद्धि भई पृथ्वीको सतहको तापक्रममा निरन्तर वृद्धिले वातावरण, पारिस्थितिक प्रणाली, कृषि, जल स्रोत, मानव स्वास्थ्य लगायत सम्पूर्ण जीवनचक्रमा गम्भीर असर परेको बताए। उनले भने, “जुन गर्मी हिजो असहज लाग्दैनथ्यो, आज अत्यन्त गाह्रो भइरहेको छ। मौसमले आफ्नो प्राकृतिक ताल छाड्न थालेको छ, वर्षा बेलामा नहुने र नहुने बेलामा बाढी आउँने क्रम बढिरहेको छ। यसले सुख्खा र बाढी दुबै समस्या निम्त्याएको छ, जुन जलवायु परिवर्तनका स्पष्ट लक्षण हुन्।”

मन्त्री सिल्वालले जलवायु परिवर्तनको समस्या जटिल भए पनि समाधान सम्भव रहेको उल्लेख गर्दै भने, “वन संरक्षण गरेर हरियाली फर्काउन सकिन्छ। बिजुली मोटरसाइकल प्रयोग गर्न सकिन्छ र कम इन्धन जलाउने बानी बसाल्न सकिन्छ। साथै, खेतीमा जैविक तरिका अपनाएर वातावरण मैत्री कृषिको विकास गर्न सकिन्छ।”

कार्यक्रममा वन तथा वातावरण मन्त्रालयका सचिव केदार बरालले नेपाल र बागमती प्रदेशमा जलवायु परिवर्तन न्यूनीकरणका लागि सरकारले गरेका पहल र नीतिगत व्यवस्थाबारे प्रस्तुतीकरण प्रस्तुत गरे। उनले प्रदेशका कार्यालयहरू मार्फत गाउँगाउँसम्म जलवायु सचेतना फैलाउन थुप्रै योजना र कार्यक्रम सञ्चालन भइरहेको जानकारी दिए।

यसैगरी, वन मन्त्रालयका वन अधिकृत राधिका शर्माले जलवायु परिवर्तनले नेपाल र बागमती प्रदेशमा पारेका प्रभाव र यहाँका प्रकोप, जोखिम तथा चुनौतीबारे प्रकाश पारिन्। महासाखाका प्रमुख शिव सापकोटाले कार्बन वित्त र त्यसको सम्भावनासम्बन्धी प्रस्तुतीकरण गरे।

कार्यक्रममा नेपाल पत्रकार महासंघ बागमती प्रदेशका अध्यक्ष कृष्णसारु मगर र जिल्ला अध्यक्ष बालकृष्ण अधिकारीले जलवायु परिवर्तनसम्बन्धी सञ्चारकर्मीहरूको भूमिका र चुनौतीबारे आफ्नो विचार व्यक्त गरे।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क