इन्फो नेपाल — सञ्चारको सञ्जाल

जिल्ला अस्पताल मुगुमा सिटामोल पनि छैन, जनता मारमा

मुगु । जिल्ला अस्पताल मुगुमा सामान्य औषधिको समेत अभाव हुन थालेको छ र यसले बिरामीको उपचारमा गम्भीर समस्या उत्पन्न गरेको छ। औषधि अभावको यो समस्याको दीर्घकालिन समाधानका लागि सरोकारवाला निकायहरूले कुनै चासो देखाएका छैनन्।

औषधि अभावका कारण सेवाग्राहीलाई आवश्यक औषधि उपलब्ध गराउन नसक्दा जिल्ला अस्पताल आफैँ बिरामी अवस्थामा पुगेको जस्तो देखिन्छ। सरकारले ९८ प्रकारका निःशुल्क औषधि वितरण गर्ने भने पनि दुर्गम हिमाली जिल्ला मुगुमा सामान्य सिटामोल औषधिसमेत पाउन गाह्रो बन्दै गएको छ।

मुगुको सदरमुकाम गमगढी बजारबाट बाहिर हेर्दा चिट्टिक्क देखिने जिल्ला अस्पताल मुगुको सेवा सुविधाको हिसाबले थला परेको अवस्था छ। बिरामी भएर उपचारका लागि अस्पताल आउने मुगालीहरूले गुणस्तरीय उपचार नपाएको गुनासो गर्दै आएका छन्।

मुगुको खत्याड गाउँपालिका-९ का राजकुमार लावड सामान्य बिरामी भएपछि जिल्ला अस्पताल मुगु आएका थिए। तर, उनलाई अस्पतालमा सिटामोल औषधिसमेत प्राप्त गर्न सकेनन्। ज्वरो आउने, खोकी लाग्ने, कान दुख्ने जस्ता समस्या देखिएपछि आफू अस्पताल पुगेकोमा सिटामोल पनि नपाएकोमा उनको गुनासो छ।

१५ शय्याको जिल्ला अस्पताल मुगुमा उपचारका लागि मुगुका मात्र होइन, छिमेकी जिल्ला हुम्लाका केही क्षेत्रका नागरिक पनि आउने गरेका छन्। मौसम परिवर्तनसँगै बिरामीको संख्या दिनप्रतिदिन बढ्दै गएको छ।

औषधि अभाव हुँदा पनि सम्बन्धित निकायहरू बेखबर रहेको नागरिकहरूको गुनासो छ। जिल्ला अस्पताल मुगुले समय समयमा औषधि अभावको समस्या खेप्दै आइरहेको छ।

गत भदौ महिनामा खरिद गरिएको औषधिले अहिलेसम्म काम चलाएको अस्पताल प्रशासनले जनाएको छ। अहिले गत वर्ष खरिद गरिएका औषधिले धानिरहेको स्वास्थ्य सेवा कार्यालय मुगुका निमित्त कार्यालय प्रमुख डा. कमल ढुङ्गनाले बताएका छन्।

सामान्य बिरामी हुँदासमेत उपचार नपाएपछि नागरिकहरू मारमा परेका छन्। गाउँमै अस्पताल भएर पनि आफूहरूलाई सास्ती खेप्नु परेको उनीहरूको गुनासो छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क