इन्फो नेपाल — सञ्चारको सञ्जाल

तीन वर्षमा वैदेशिक रोजगारीमा गएका ४ हजार नेपालीले ज्यान गुमाए

काठमाडौं | श्रम, रोजगार तथा सामाजिक सुरक्षा मन्त्रालयले सार्वजनिक गरेको तथ्यांकले वैदेशिक रोजगारीमा गएका नेपालीहरूको मृत्युदर चिन्ताजनक रूपमा बढेको देखाएको छ। आज प्रतिनिधि सभामा मन्त्री डोलप्रसाद अर्यालले पेश गरेको विवरण अनुसार गत तीन वर्षको अवधिमा झन्डै चार हजार जनाले ज्यान गुमाएका छन् ।

मन्त्री अर्यालका अनुसार आर्थिक वर्ष २०७८/०७९ देखि चालु आर्थिक वर्ष २०८०/०८१ को जेठ मसान्तसम्म ३ हजार ९ सय ९८ जना नेपालीले विदेशमा ज्यान गुमाएका छन्। यसै अवधिमा १,२०७ जना नेपाली कामदार अंगभंग भएका छन्।

सरकारले मृतक र अंगभंग भएका कामदारका परिवारलाई २ अर्ब ९ करोड ४६ लाख २२ हजार रुपैयाँ आर्थिक सहायता उपलब्ध गराएको मन्त्री अर्यालले जानकारी दिए।

यो तथ्यांकले वैदेशिक रोजगारीमा जाने नेपालीहरूको सुरक्षा र स्वास्थ्यको गम्भीर चुनौती रहेको देखाएको छ। विशेषज्ञहरूले यस समस्याको समाधानका लागि सरकारले गन्तव्य मुलुकहरूसँग थप कूटनीतिक पहल गर्नुपर्ने र कामदारहरूको सुरक्षा सुनिश्चित गर्न कडा नीति ल्याउनुपर्ने सुझाव दिएका छन्।

यसैबीच, रोजगार विज्ञहरूले नेपालमै रोजगारीका अवसरहरू सिर्जना गरी वैदेशिक रोजगारीमा जाने बाध्यता कम गर्नुपर्ने आवश्यकता औंल्याएका छन्। सरकारले यस विषयलाई गम्भीरतापूर्वक लिई आवश्यक कदम चाल्ने आश्वासन दिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क