इन्फो नेपाल — सञ्चारको सञ्जाल

देशका विभिन्न स्थानमा हल्का देखि मध्यम वर्षाको सम्भावना

काठमाडौं | जल तथा मौसम विज्ञान विभागले आगामी २४ घण्टाको मौसम पूर्वानुमान जारी गर्दै कोशी, मधेश, बागमती, र गण्डकी प्रदेशका विभिन्न स्थानहरूमा मेघ गर्जन र चट्याङ्ग सहित हल्का देखि मध्यम वर्षा हुने सम्भावना रहेको जनाएको छ। यसका साथै, कोशी प्रदेशका तराई भू-भागमा हावाहुरीको सम्भावना पनि रहेकोले विशेष सतर्कता अपनाउन विभागले आग्रह गरेको छ।

कोशी प्रदेशका केही स्थानहरूमा हाल हल्का वर्षा भइरहेको छ। शुक्रबार राति कोशी, मधेश, बागमती र गण्डकी प्रदेशका थोरै स्थानहरूमा मेघ गर्जन र चट्याङ्ग सहित हल्का देखि मध्यम वर्षा हुन सक्ने अनुमान गरिएको छ। कोशी प्रदेशको तराई भू-भागमा हावाहुरीको सम्भावना रहेकोले त्यहाँका स्थानीयवासीलाई विशेष सतर्कता अपनाउन भनिएको छ।

शनिबार दिउँसो कोशी, मधेश, बागमती र गण्डकी प्रदेशमा आंशिक देखि साधारणतया बदली रहनेछ भने बाँकी प्रदेशमा आंशिक बदलीका साथै मौसम सफा रहनेछ। कोशी, मधेश, बागमती र गण्डकी प्रदेशका केही स्थानहरूमा हल्का देखि मध्यम वर्षा हुन सक्ने सम्भावना छ।

राति पनि देशभर आंशिकदेखि साधारण बदली रहनेछ भने कोशी, मधेश, बागमती, गण्डकी र लुम्बिनी प्रदेशका थोरै स्थानहरूमा हल्का देखि मध्यम वर्षा हुने सम्भावना रहेको विभागले जानकारी दिएको छ।

आइतबार पनि देशभर मौसम आंशिकदेखि साधारणतया बदली रहने छ। कोशी, बागमती र गण्डकी प्रदेशका थोरै स्थानहरूमा मेघ गर्जनसहित हल्का देखि मध्यम वर्षा हुनसक्ने सम्भावना छ। राति पनि यस्तै अवस्था कायम रहनेछ, विशेषगरी पहाडी भू-भागमा हल्का देखि मध्यम वर्षा हुनसक्ने अनुमान गरिएको छ।

कोशी प्रदेशका तराई क्षेत्रहरूमा हावाहुरीको सम्भावना रहेकोले कृषि, स्वास्थ्य, पर्यटन, सडक तथा हवाई यातायातमा असर पर्ने सम्भावना छ। साथै, बाढी, पहिरो र भू-क्षयको जोखिम रहेकोले ती स्थानहरूमा विशेष सतर्कता अपनाउन विभागले अनुरोध गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क