इन्फो नेपाल — सञ्चारको सञ्जाल

नगर अस्पताल सञ्चालनमा स्वास्थ्य बिज्ञान प्रतिष्ठानले सघाउने

हेटौंडा | हेटौंडा उपमहानगरपालिकाले सञ्चालन गरिरहेका दुई नगर अस्पतालका लागि मदन भण्डारी स्वास्थ्य विज्ञान प्रतिष्ठानले जनशक्ति व्यवस्थापन तथा आधारभूत स्वास्थ्य सेवा र स्वास्थ्य बीमा कार्यक्रम सञ्चालनमा सहयोग गर्ने भएको छ।

नगरका जनतालाई स्वास्थ्य सेवामा पहुँच पुर्‍याउने उद्देश्यले उपमहानगरपालिकाले हेटौंडा–१३ र १६ मा सञ्चालन गरिरहेका नगर अस्पतालहरूको सञ्चालनमा प्रतिष्ठानका जनशक्ति परिचालन गरिनेछ। सोमबार उपमहानगरपालिका र प्रतिष्ठानका पदाधिकारीबीच भएको छलफलले नगर अस्पताल र हेटौंडा अस्पतालको व्यवस्थापन र सञ्चालनमा सहकार्य गर्ने सहमति गरेको हो।

सहमतिअनुसार प्रतिष्ठानअन्तर्गतको हेटौंडा अस्पतालमा भिडियो एक्सरे, सिटी स्क्यान, र एमआरआई सेवाहरू २४ सै घण्टा सञ्चालन गर्न आवश्यक सहयोग उपमहानगरपालिकाले उपलब्ध गराउनेछ। दुई संस्थाबीचको सहकार्यले नगरका स्वास्थ्य सेवामा थप प्रभावकारिता ल्याउने विश्वास व्यक्त गरिएको छ।

स्थानीयस्तरमै प्रभावकारी स्वास्थ्य सेवा प्रदान गर्न यो सहकार्यले महत्त्वपूर्ण भूमिका निर्वाह गर्ने छलफलको क्रममा बताइएको थियो। प्रारम्भिक छलफलपछि सहकार्यलाई औपचारिक बनाउँदै दुई पक्षीय सम्झौता गरिने सहमति भएको छ।

नगर प्रमुख मीनाकुमारी लामाको अध्यक्षतामा सम्पन्न छलफलमा प्रतिष्ठानका उपकुलपति प्रदीप ज्ञवाली, रजिस्ट्रार भीमसागर गुरागाईं, डिन दुर्गाकुमारी खड्का मिश्र, उपमहानगरपालिकाका विज्ञ सल्लाहकार डा. कृष्णप्रसाद घिताल, प्रतिष्ठानका प्राध्यापक डा. दिनेशकुमार लम्साल, उपनिर्देशक भीमप्रसाद तिमल्सिना, आर्थिक विकास महाशाखा प्रमुख जगन्नाथ सापकोटा, प्रतिष्ठानका प्रशासकीय अधिकृत विशाल लामिछाने, र उपमहानगरपालिकाका कानुन शाखा प्रमुख लक्ष्मण मैनालीलगायतको उपस्थिति रहेको थियो।

यस सहकार्यले नगरस्तरमा स्वास्थ्य सेवा थप प्रभावकारी र जनमुखी बनाउने अपेक्षा गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क