इन्फो नेपाल — सञ्चारको सञ्जाल

निजी क्षेत्रको पहलमा ३९ लाखको राहत नुवाकोट पठाइयो

हेटौँडा । मकवानपुरको निजी क्षेत्रले रसुवा र नुवाकोटका बाढी प्रभावितका लागि करिब ३९ लाख रुपैयाँ बराबरको आठ टन राहत सामग्री जुटाएको छ । मकवानपुर उद्योग वाणिज्य संघले सामग्री जिल्ला प्रशासन कार्यालयमार्फत नुवाकोट पठाएको हो ।

संघका अध्यक्ष प्रमोदसिंह रानाभाटका अनुसार सामग्री मकवानपुरका प्रमुख जिल्ला अधिकारी बसन्त अधिकारीलाई हस्तान्तरण गरिएको छ । नुवाकोटका स्थानीय तह र उद्योग वाणिज्य संघसँगको समन्वयमा पीडितलाई राहत वितरण गरिनेछ ।

राहतमा नयाँ लत्ताकपडा, ओढ्ने–ओछ्याउने सामग्री, खाद्यान्न, खानेपानी, सरसफाइका सामान, भाँडाकुँडा र ग्यास चुलो छन् । प्रयोगयोग्य सामान मात्र पठाउन कपडा दुई दिन लगाएर छानिएको र प्याकिङ गरिएको रानाभाटले बताए ।

कपडा तथा तयारी पोसाक व्यवसायी संघबाट मात्रै करिब २७ लाख रुपैयाँका नयाँ कपडा प्राप्त भएका छन् । करिब ९० बोरामा प्याक गरिएका सामग्रीमा बालबालिका र वयस्कका लुगा, ज्याकेट, साडी, पाइन्ट, तन्ना, सिरानीका खोल, झुल तथा सिरक–डसनालगायत छन् ।

युनिलिभर नेपाल लिमिटेडले चार लाख ७७ हजार रुपैयाँ बराबरका तीन हजार ६०० थान साबुन, तीन हजार ६०० थान दन्तमञ्जन र ६२५ थान कपडा धुने पाउडर दिएको छ ।

मकवानपुर अधिकृत विक्रेता व्यवसायी संघबाट चाउचाउ, बिस्कुट, भुजा, दालमोठ, फ्रुटी, खानेपानी र सरसफाइका सामान प्राप्त भएका छन् । भाँडा व्यवसायीले थाल, गिलास, कचौरा, डाडु–पन्यु, प्रेसर कुकर, डेक्ची, बाल्टी, विद्युतीय जग र १३ सेट ग्यास चुलोसहित करिब डेढ लाख रुपैयाँका सामग्री दिएका छन् ।

राहत सङ्कलनमा मकवानपुर सुनचाँदी व्यवसायी संघ, ग्रिल तथा स्टिल व्यवसायी संघ, ग्यास व्यवसायी संघ, हस्तकला व्यवसायी संघ र महिला उद्यमी विकास समितिलगायत संस्था सहभागी थिए ।

संघले यसअघि प्रधानमन्त्री दैवी प्रकोप उद्धार कोषमा पाँच लाख पाँच हजार ५५५ रुपैयाँ जम्मा गरेको छ । नगद सङ्कलन जारी रहेको र आवश्यकताअनुसार राहत तथा विपद्सम्बन्धी काममा खर्च गरिने रानाभाटले जानकारी दिए ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क