इन्फो नेपाल — सञ्चारको सञ्जाल

नेपालमा बाढी-पहिरोको विनाश: १३९ को मृत्यु, १५६ घाइते

काठमाडौं । अविरल वर्षाका कारण गत जेठ २८ गतेदेखि नेपालका विभिन्न भागमा आएको बाढी र पहिरोले ठूलो जनधनको क्षति गरेको छ। शुक्रबार दिउँसोसम्मको तथ्यांक अनुसार यस प्राकृतिक प्रकोपमा १३९ जनाले ज्यान गुमाएका छन्।

गण्डकी प्रदेशमा सबैभन्दा बढी ३८ जनाको मृत्यु भएको छ भने बागमती प्रदेशमा २९, लुम्बिनी प्रदेशमा २४, कोशी प्रदेशमा २२, सुदूरपश्चिम प्रदेशमा १०, कर्णाली प्रदेशमा ८, मधेश प्रदेशमा ६ र काठमाडौं उपत्यकामा २ जनाको मृत्यु भएको छ।

यसैबीच, १५६ जना घाइते भएका छन्। घाइतेहरूमध्ये कर्णाली प्रदेशमा ४३, कोशी प्रदेशमा ३४, गण्डकी प्रदेशमा २९, काठमाडौं उपत्यका, मधेश प्रदेश, बागमती प्रदेश र लुम्बिनी प्रदेशमा ९/९ जना तथा सुदूरपश्चिम प्रदेशमा १४ जना रहेका छन्। सबै घाइतेहरूलाई स्थानीय अस्पतालहरूमा उपचार गराइँदैछ।

उद्धार कार्यमा ७१ जनालाई सुरक्षित स्थानमा सारिएको छ। यसमा कोशी प्रदेशबाट ४९, गण्डकी प्रदेशबाट १२, सुदूरपश्चिम प्रदेशबाट ५, काठमाडौं उपत्यकाबाट ३ र कर्णाली प्रदेशबाट २ जना रहेका छन्। ६ जना अझै बेपत्ता छन् र खोज कार्य जारी छ।

यस प्राकृतिक विपत्तिले १८४ घर डुबानमा परेका छन्। २३८ घर, ८६ गोठ, ४३ पुल, २ विद्यालय र २ सरकारी कार्यालयमा क्षति पुगेको छ। ६०३ पशुचौपायाको मृत्यु भएको छ र ४,०३० परिवार विस्थापित भएका छन्।

सरकारी निकायहरू र स्थानीय समुदायको सहकार्यमा जोखिममा रहेका परिवारहरूलाई सुरक्षित स्थानमा सार्ने, पहिरोमा पुरिएका सामग्रीहरू निकाल्ने र अवरुद्ध सडकहरू खोल्ने काम भइरहेको छ। प्रहरीले विभिन्न स्थानमा बाटो अवरोध हटाउने कार्य गरिरहेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क