इन्फो नेपाल — सञ्चारको सञ्जाल

नेपाल प्रेस युनियन मकवानपुरको ३४ औं स्थापना दिवस, संस्कृत विद्यालयलाई खाद्यान्न सहयोग

हेटौँडा |  नेपाल प्रेस युनियन मकवानपुर शाखाले आफ्नो ३४ औं स्थापना दिवस सामाजिक उत्तरदायित्वसहित मनाएको छ। सोमबार हेटौंडा–१० स्थित गोरक्षश्वरधामको संस्कृति वेद विद्यालयमा आयोजित कार्यक्रममार्फत शाखाले खाद्यान्न सहयोग गर्दै स्थापना दिवस मनायो।

संस्थाले करिब ४० जना बटुकहरूलाई लक्षित गर्दै २० हजार रुपैयाँ बराबरको दाल, चामल, नुन, तेललगायतका खाद्य सामग्री प्रदान गरेको हो।

कार्यक्रम शाखा अध्यक्ष सुबास बिडारीको अध्यक्षतामा र संस्थापक अध्यक्ष राममणि दाहालको प्रमुख आतिथ्यतामा सम्पन्न भएको थियो।

मुख्य अतिथि दाहालले प्रेस युनियनलाई केवल पत्रकारितामा सीमित नराखी समाजप्रति जिम्मेवार भूमिका खेल्न प्रेरित गर्नुपर्नेमा जोड दिँदै भने, “सामाजिक उत्तरदायित्वसहित सञ्चार कर्म गर्दै जानु आजको आवश्यकता हो।”

शाखा अध्यक्ष बिडारीले संस्कृत शिक्षाको संरक्षण र प्रवर्द्धनमा सञ्चारकर्मीहरूको सक्रिय समर्थन अपरिहार्य रहेको उल्लेख गर्दै यस्ता सहकार्यले सकारात्मक सन्देश प्रवाह हुने बताए।

कार्यक्रममा वरिष्ठ पत्रकार प्रताप विष्ट, नेपाल पत्रकार महासंघ बागमती प्रदेश उपाध्यक्ष हरि हुमागाई, महासंघ मकवानपुर अध्यक्ष बालकृष्ण अधिकारी, संस्कृत विद्यालय व्यवस्थापन समितिका अध्यक्ष रामकृष्ण थापा, विद्यालय प्रधानाध्यापक गणेश धिताल, प्रेस चौतारी मकवानपुर अध्यक्ष सरिता दाहाल, प्रेस सेन्टर अध्यक्ष एमपी शर्मा, स्वतन्त्र पत्रकार संघ अध्यक्ष राजन घिमिरे अनुराग, र सञ्चारीका समूह अध्यक्ष निशा गुरुङ लगायत दर्जनौँ सञ्चारकर्मीको उपस्थिति रहेको थियो।

संस्थाले आगामी दिनमा पनि यस्तै सामाजिक गतिविधि र जिम्मेवार पत्रकारितालाई सँगसँगै अघि बढाउने प्रतिबद्धता जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क