इन्फो नेपाल — सञ्चारको सञ्जाल

पश्चिमी भेगमा आज दिनभर झरी पर्ने, भोलिदेखि देशभर मौसम सुधार हुने

मकवानपुर । काठमाडौँ उपत्यकासहित देशका पश्चिमी भू-भागमा गएरातिदेखि नै निरन्तर वर्षा भइरहेको छ। मौसम पूर्वानुमान महाशाखाका अनुसार काठमाडौँमा दिउँसोपछि झरी रोकिने भए पनि पश्चिमी क्षेत्रमा भने आज दिनभर नै वर्षा जारी रहनेछ।

​गएराति बागमती प्रदेशको चितवनसहित गण्डकी, लुम्बिनी र कर्णाली प्रदेशका धेरैजसो स्थानमा भारी वर्षा भएको छ। विशेष गरी चितवन, तनहुँ, नवलपरासी, रुपन्देही, कपिलवस्तु, स्याङ्जा, पाल्पा, गुल्मी, बागलुङ, म्याग्दी, पर्वत र कास्की क्षेत्रमा मुसलधारे वर्षा भएको महाशाखाले जनाएको छ। बिहानदेखि वर्षाको मात्रा केही घटे पनि जोखिम भने टरिसकेको छैन।

​निरन्तरको वर्षाका कारण नारायणी र तिनाउसहित विभिन्न साना-ठूला नदी तथा खोलामा जलसतह बढेको छ। महाशाखाका मौसमविद् सञ्जीव अधिकारीका अनुसार न्यूनचापीय प्रणाली क्रमशः कमजोर बन्दै गएकाले भोलिदेखि देशभरको मौसममा क्रमिक सुधार आउनेछ। कोशी र मधेश प्रदेशमा हिजोदेखि नै झरी रोकिसकेको छ भने बागमतीमा पनि दिउँसोपछि मौसम खुल्ने अनुमान छ।

​मौसमविद्हरूका अनुसार गण्डकी, लुम्बिनी, कर्णाली र सुदूरपश्चिम प्रदेशमा आज दिनभर पानी परे पनि भोलिदेखि मौसम सफा हुँदै जानेछ। यद्यपि मनसुनी प्रणाली कायमै रहेकाले सामान्य वर्षाको सम्भावना भने रहन्छ।

​अघिल्लो वर्षाका कारण नदीमा बहाव बढेकाले आगामी ८ देखि १० घण्टासम्म विशेष गरी पश्चिमी नेपालका नदी तटीय क्षेत्रका बासिन्दालाई सतर्कता अपनाउन र जोखिमयुक्त क्षेत्रमा यात्रा नगर्न महाशाखाले आग्रह गरेको छ।

सम्बन्धित समाचार

कोशी र गण्डकीका हिमाली भू–भागमा हल्का वर्षा र हिमपातको सम्भावना

काठमाडाैँ । आज कोशी र गण्डकी प्रदेशका हिमाली क्षेत्रका एक–दुई स्थानमा हल्का वर्षा र हिमपातको सम्भावना रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ। यस्तै, आ…

इन्फो डेस्क

आज विराटनगरको हावा अत्यधिक दूषित,देशका धेरैजसो शहरमा प्रदूषण बढ्यो

काठमाण्डौँ । काठमाडौँ उपत्यकासहित देशका विभिन्न सहरमा वायु प्रदूषणको मात्रा ह्वात्तै बढेको छ। आज बिहान देशका अन्य सहरहरूको तुलनामा विराटनगरको वायु सबैभन्दा बढी अस्वस्थ मापन गरिएको…

इन्फो डेस्क

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

अबको दुई हप्ता देशभर मौसम सफा रहने

काठमाडाैँ । पश्चिमी न्यूनचापीय प्रणाली निष्क्रिय भएसँगै अबको करिब दुई हप्तासम्म देशका अधिकांश स्थानको मौसम सफा रहने भएको छ। हिजो (आइतबार) केही स्थानमा वर्षा र हिमपात गराएको उक्त प्…

इन्फो डेस्क