इन्फो नेपाल — सञ्चारको सञ्जाल

पश्चिमी वायुको प्रभाव कायमै, आज ६ प्रदेशमा वर्षा र हिमपातको सम्भावना

हेटौँडा | देशभर पश्चिमी वायुको आंशिक प्रभाव कायम रहँदा आज कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका पहाडी तथा हिमाली भूभागमा हल्का वर्षासहित हिमपातको सम्भावना रहेको मौसम पूर्वानुमान महाशाखाले जनाएको छ।

महाशाखाका अनुसार हाल कर्णालीसहित उच्च पहाडी तथा हिमाली क्षेत्रमा आंशिक बदली छ भने बाँकी भूभागमा मौसम मुख्यतया सफा रहेको छ। तराईका केही स्थानमा बिहानको समयमा हुस्सु तथा कुहिरो लाग्ने सम्भावना रहेकोले दैनिक जनजीवन र सवारी आवागमन प्रभावित हुन सक्ने देखिएको छ।

आज दिउँसो कोशी, बागमती र गण्डकी प्रदेशका पहाडी तथा हिमाली भूभागमा सामान्य बदली रही थोरै स्थानमा हल्का वर्षा तथा हिमपात हुनसक्ने पूर्वानुमान गरिएको छ। लुम्बिनी, कर्णाली र सुदूरपश्चिम प्रदेशका पहाडी भेगमा पनि एक–दुई स्थानमा वर्षा वा हिमपातको सम्भावना रहेको महाशाखाले जनाएको छ।

रातिको समयमा भने कोशी, बागमती, गण्डकी र कर्णाली प्रदेशका हिमाली भूभागमा आंशिक बदली रहनेछ भने बाँकी भूभागमा मौसम प्रायः सफा रहनेछ। तराईका केही स्थानमा तुवाँलो लाग्ने सम्भावना रहेकाले विशेषगरी बिहान र बेलुका सवारी चालकलाई सतर्कता अपनाउन सुझाव दिइएको छ।

मौसमविद्हरूका अनुसार पश्चिमी न्यूनचापीय प्रणालीको प्रभाव आगामी दुई–तीन दिनसम्म आंशिक रूपमा रहन सक्ने भएकाले पहाडी तथा हिमाली क्षेत्रमा यात्रा गर्नेहरू, कृषक र पर्यटकले पछिल्लो मौसमी जानकारी हेरेर योजना बनाउन अनुरोध गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क