इन्फो नेपाल — सञ्चारको सञ्जाल

पश्चिम सेती, डोटी र डडेल्धुरामा मध्यमदेखि भारी वर्षा

काठमाडौं | पछिल्लो केही घण्टायता सुदूरपश्चिमका डोटी, दिपायल र डडेल्धुराको साहुखर्क क्षेत्रमा मध्यमदेखि भारी वर्षा भएको जल तथा मौसम विज्ञान विभाग, मौसम पूर्वानुमान महाशाखाले जनाएको छ। यी क्षेत्रका वर्षा मापन केन्द्रहरूमा लगातारको वर्षाका कारण आकस्मिक बाढीको सम्भावना बढेको भन्दै महाशाखाले दिउँसोसम्म सतर्कता अपनाउन आग्रह गरेको छ।

महाशाखाका अनुसार, पश्चिम सेती नदी र त्यससँगै बहने साना खोला तथा भिरालो भूभागमा पहिरोको जोखिम समेत देखिएको छ। कमजोर भौगोलिक संरचना भएका गाउँ तथा बस्तीहरूमा विशेष सावधानी अपनाउन महाशाखाले स्थानीय तह र बासिन्दालाई सुझाव दिएको छ।

त्यस्तै, नवलपरासी पश्चिमको देउराली नवल, चितवनको शक्तिखोर र पाल्पाको बलड्याङगढी क्षेत्रमा पनि आकस्मिक बाढीको सम्भावना रहेको भन्दै सतर्कता अपनाउन अपिल गरिएको छ। यी क्षेत्रहरूमा बाढीले स्थानीय जनजीवन, कृषि र यातायातमा तत्काल प्रभाव पार्न सक्ने भएकाले जोखिम न्यूनीकरणका उपायहरू अवलम्बन गर्न भनिएको छ।

महाशाखाका अनुसार हाल देशमा पश्चिमी वायु, स्थानीय वायु र कोशी प्रदेशतर्फ मनसुन सक्रिय रहेकाले अधिकांश स्थानमा वर्षाको सम्भावना कायमै छ। वर्षाको मात्रा अनुसार १० मिलिमिटरसम्म हल्का, १०–५० मिलिमिटर मध्यम, ५०–१०० मिलिमिटर भारी, १००–२०० मिलिमिटर धेरै भारी र २०० मिलिमिटरभन्दा माथिको वर्षालाई अति भारी वर्षाको श्रेणीमा राखिने जानकारी समेत महाशाखाले दिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क