इन्फो नेपाल — सञ्चारको सञ्जाल

पहिलो पाइलाको हेटौँडाको तेस्रो अभिभावक भेला सम्पन्न

हेटौँडा | गुणस्तरीय बालशिक्षा र अभिभावक सहभागिता अभिवृद्धि गर्ने लक्ष्यसहित ‘पहिलो पाइला शिशु स्याहार केन्द्र’ हेटौँडाले तेस्रो अभिभावक भेला सम्पन्न गरेको छ। संस्थाका अध्यक्ष अंकिता सुमार्गीको सभाध्यक्षता तथा बागमती प्रदेश विश्वविद्यालयका उपाध्यक्ष कुसुमराज सुवेदीको प्रमुख आतिथ्यतामा कार्यक्रम सम्पन्न भएको हो।

कार्यक्रमलाई सम्बोधन गर्दै प्रमुख अतिथि सुवेदीले ‘पहिलो पाइला’ बालशिक्षाको प्रभावकारी नमुना बन्न सफल भएको बताए । चितवनका विभिन्न मोंटेश्वरीहरूको अवलोकनपछि हेटौँडाको यो संस्था शिक्षाका दृष्टिले अझ व्यवस्थित र प्रभावशाली रहेको उनको भनाई थियो । बालबालिकाले प्रस्तुत गरेका गतिविधिले अभिभावकहरूको मन छोएको भन्दै उनले ‘शिशु स्याहार र प्रारम्भिक शिक्षामा यो संस्थाले नयाँ उचाइ हासिल गरिरहेको छ’ भने ।

नेपाल उद्योग वाणिज्य संघका पूर्व केन्द्रीय सदस्य तथा हेटौँडा एकेडेमीका अध्यक्ष अरुणराज सुमार्गीले ‘पहिलो पाइला’ कोरोना महामारीको चुनौतीपूर्ण समयमा स्थापना भए पनि छोटो समयमै उल्लेखनीय सफलता हासिल गरेको बताए । दुई जना बालबालिकाबाट सुरु भएको संस्था अहिले व्यापक रूपमा अघि बढेको स्मरण गर्दै उहाँले संस्थाका शिक्षक, व्यवस्थापक तथा अभिभावकहरूप्रति आभार व्यक्त गरे ।

प्याब्सन मकवानपुरका अध्यक्ष विनोद सुवेदीले ‘पहिलो पाइला’ले मकवानपुरलाई शैक्षिक रूपमा उन्नत बनाउने दिशामा महत्वपूर्ण काम गरिरहेको बताए  ।

कार्यक्रममा मकवानपुर उद्योग वाणिज्य संघका अध्यक्ष प्रमोद सिंह रानाभाट, हेटौँडा उपमहानगरपालिका वडा नम्बर ५ का अध्यक्ष शुशील घिमिरे, आरम्भ शिशु स्याहार केन्द्रकी अध्यक्ष शुशीला भण्डारी लगायत विभिन्न विद्यालयका प्रतिनिधि, प्रधानाध्यापक तथा अभिभावकहरूको उपस्थिति थियो।

बालबालिकाले प्रस्तुत गरेका सिर्जनात्मक नृत्य र गतिविधिले कार्यक्रमलाई थप जीवन्त बनाएको थियो। शिशु शिक्षा र अभिभावक सहभागिताको यस्तो प्रयासले हेटौँडाको बालशिक्षा क्षेत्रलाई नयाँ पहिचान दिने विश्वास गरिएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क