इन्फो नेपाल — सञ्चारको सञ्जाल

प्रधानमन्त्रीलाई चेपाङ समुदायको चिउरी उपहार

हेटौँडा | मकवानपुरको राक्सिराङ गाउँपालिकामा बसोबास गर्ने चेपाङ समुदायले प्रधानमन्त्री केपी शर्मा ओलीलाई विशेष उपहार पठाएका छन्। परम्परागत बाँसको पेरुङ्गोमा राखिएको चिउरी बागमती प्रदेशसभा सदस्य भारती पाठकमार्फत प्रधानमन्त्रीसमक्ष पु¥याइएको हो।

चिउरी ग्रहण गर्दै प्रधानमन्त्री ओलीले यसलाई चिउरी मात्र नभई “समुदायको आशा र भरोसा” समेतको प्रतीकका रूपमा व्याख्या गरे। उनले भने, “चेपाङ समुदायको जीवनशैली, परम्परा, संस्कृति र जीविकोपार्जनसँग गहिरो सम्बन्ध राख्ने चिउरीबाट म समृद्धिको परिकल्पना गरिरहेको छु।”

ओलीले चिउरी प्रवर्द्धनका कार्यक्रम ल्याउने घोषणा गर्दै परम्परागत सीप, जैविक विविधता र आदिवासी समुदायका जीवनशैलीलाई सम्मान गर्दै अगाडि बढ्ने प्रतिबद्धता जनाए।

उनले वन स्रोतको प्रयोग सालको रूख काटेर मात्र सीमित नराखी दीगो वन व्यवस्थापन, जैविक विविधता संरक्षण र स्थानीय रोजगारी सिर्जनासम्म लैजानुपर्ने धारणा राखे।

कार्यक्रममा बागमती प्रदेशसभा सदस्य भारती पाठकले प्रधानमन्त्रीसँग भेट्दै वनमा आधारित स्थानीय उद्यम विकासमा चिउरी महत्त्वपूर्ण स्रोत बन्न सक्ने बताइन्। पाठक सामुदायिक वन उपभोक्ता महासंघकी अन्तरराष्ट्रिय अध्यक्षसमेत हुन्।

उनले मकवानपुर, चितवन र धादिङका चेपाङ समुदायलाई आर्थिक रूपमा सक्षम बनाउन चिउरी खेती र उत्पादनलाई सम्बद्ध कार्यक्रम ल्याउन जोड दिइन्।

राक्सिराङ गाउँपालिका अध्यक्ष राजकुमार मल्लले प्रधानमन्त्रीका लागि चिउरी पठाउनु समुदायको पहिचानको प्रतिनिधित्व रहेको बताए। “प्रधानमन्त्रीले उपहार खुसीका साथ ग्रहण गर्नु हाम्रो लागि गर्वको विषय हो,” मल्लले भने।

चेपाङ समुदायमा चिउरीको सांस्कृतिक मूल्य पनि गहिरो छ। विवाहमा छोरीलाई चिउरीको बोट दाइजो दिने परम्परा यस समुदायमा अझै जीवित छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क