इन्फो नेपाल — सञ्चारको सञ्जाल

‘प्रधानमन्त्री जन्माउने सहर’ विराटनगरले पायो छैटौं प्रधानमन्त्री

विराटनगर | विराटनगर, औद्योगिक राजधानी मात्र होइन, अब ‘प्रधानमन्त्री जन्माउने सहर’ को उपमा समेत थप प्रष्ट भएको छ। राष्ट्रपति रामचन्द्र पौडेलले शुक्रबार सुशीला कार्कीलाई अन्तरिम सरकारको प्रधानमन्त्री नियुक्त गरेपछि विराटनगरले छैटौं प्रधानमन्त्री पाएको छ। यससँगै देशले पहिलो महिला कार्यकारी नेतृत्व पनि प्राप्त गरेको छ।

यसअघि पाँच जना प्रधानमन्त्री उदाएको विराटनगरमा अब सुशीला कार्कीको नाम नयाँ इतिहासका पानामा अंकित भएको छ। कार्की यसअघि नेपालकै पहिलो महिला प्रधानन्यायाधीश बनेर कीर्तिमान कायम गरिसकेकी थिइन्। अहिले उनले पहिलो महिला प्रधानमन्त्रीको रूपमा अर्को माइलस्टोन थपेकी छन्।

विराटनगर सहरको परिचय केवल उद्योगधन्दामै सीमित छैन। हरेक राजनीतिक परिवर्तनमा यहाँका व्यक्तित्वहरूले निर्णायक भूमिका खेलेका छन्। राजनीतिक आन्दोलनदेखि विचार निर्माणसम्म विराटनगरले देशलाई दिशानिर्देश गर्दै आएको छ। यही यात्रामा सहरको अर्को पहिचान बनेको छ, ‘प्रधानमन्त्री जन्माउने सहर’।

नेपालका पहिलो निर्वाचित प्रधानमन्त्री बीपी कोइरालादेखि लिएर उनका दाजु मातृका प्रसाद कोइराला, बहुदलीय लोकतन्त्र पुनःस्थापनापछि चारपटक प्रधानमन्त्री बनेका गिरिजाप्रसाद कोइराला, पहिलो कम्युनिस्ट प्रधानमन्त्री मनमोहन अधिकारी, पञ्चायतकालीन प्रधानमन्त्री नगेन्द्र रिजालसम्म विराटनगरले योगदान दिएको छ। अब यो सूचीमा पहिलो महिला प्रधानमन्त्री सुशीला कार्कीको नाम पनि जोडिएको छ।

देशको कार्यकारी नेतृत्वमा विराटनगरले दिएको योगदानले यहाँको राजनीतिक महत्त्वलाई अझै फराकिलो बनाइदिएको छ। कार्कीको उदयले केवल सहरको गौरव मात्र बढाएको छैन, नेपालको राजनीतिक यात्रामा महिलाको ऐतिहासिक उपस्थिति सुनिश्चित गरेको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क