इन्फो नेपाल — सञ्चारको सञ्जाल

विपद् प्रभावित क्षेत्रको पुनःस्थापनालाई प्राथमिकता दिने मुख्यमन्त्री थापा मगरको प्रतिबद्धता

हेटाैँडा । बागमती प्रदेश सरकारले हालैका विपद्बाट प्रभावित विभिन्न जिल्लाको पुनर्निर्माण र पुनःस्थापनालाई प्रदेश नीति तथा योजना आयोगको पहिलो प्राथमिकतामा राख्ने भएको छ। रसुवा, नुवाकोट, धादिङ र चितवनका प्रभावित क्षेत्रमा आयोगको टोली खटाएर पुनर्निर्माणका लागि आवश्यक योजना बनाइने बागमती प्रदेशका मुख्यमन्त्री किरण थापा मगरले जानकारी दिए।

​शुक्रबार हेटौँडास्थित मुख्यमन्त्री तथा मन्त्रिपरिषद्को कार्यालयमा नीति तथा योजना आयोगका नवनियुक्त पदाधिकारीको शपथग्रहण कार्यक्रममा बोल्दै उनले मानवीयसँगै सडक तथा भवनलगायत भौतिक पूर्वाधारमा ठूलो क्षति पुगेकाले पुनर्निर्माणलाई योजनाबद्ध रूपमा अघि बढाउन लागिएको बताए।

​आयोगले विपद् व्यवस्थापनसँगै प्रदेशको विकास निर्माण, शिक्षा, स्वास्थ्य, रोजगारी र पूर्वाधार क्षेत्रको अध्ययन एवं सुधारमा काम गर्नेछ। विगतका कमजोरी सुधार गर्दै लक्ष्य हासिल गर्न आयोगको भूमिका महत्वपूर्ण हुने मुख्यमन्त्रीको भनाइ छ।

​यसअघि बिहीबार बसेको बागमती प्रदेश मन्त्रिपरिषद् बैठकले आयोगको उपाध्यक्षमा डा. देवराज रोका तथा सदस्यमा सुनिता गौतम, दीपकविक्रम थापा र सुरेन्द्रवर सिंह थापालाई नियुक्त गरेको थियो। नवनियुक्त उपाध्यक्ष रोकासहित उपस्थित सदस्यले शुक्रबार पद तथा गोपनीयताको शपथ लिएका छन्। कार्यव्यस्तताका कारण उपस्थित हुन नसकेका एक सदस्यको शपथ पछि गराइने मुख्यमन्त्री तथा मन्त्रिपरिषद्को कार्यालयले जनाएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

राष्ट्रपति पौडेलद्वारा मकवानपुरको महादेवटारमा ३ हजार ३९९ मिटर लामो सुरुङ ‘ब्रेक थ्रु’

मकवानपुर । राष्ट्रिय गौरवको काठमाडौं–तराई–मधेश द्रुतमार्ग (फास्ट ट्र्याक) अन्तर्गत मकवानपुरको महादेवटारमा निर्माणाधीन ३ हजार ३९९ मिटर लामो सुरुङको ‘ब्रेक थ्रु’ भएको छ। राष्ट्रपति र…

इन्फो डेस्क