इन्फो नेपाल — सञ्चारको सञ्जाल

बागमतीमा तत्काल मन्त्रालय बढाउने निर्णय भएको छैन : मुख्यमन्त्री

हेटौँडा |  बागमती प्रदेश सरकारले हाल तत्काल मन्त्रालयको सङ्ख्या बढाउने निर्णय नगरेको जनाएको छ । मन्त्रालयहरूको कार्यक्षेत्र र जिम्मेवारीको भारका विषयमा छलफल भइरहेको भए पनि मन्त्रालय थप्ने विषयमा कुनै निर्णय नभएको मुख्यमन्त्री किरण थापा मगरले बताए ।

उनका अनुसार हाल स्वास्थ्य र सामाजिक विकास एउटै मन्त्रालयअन्तर्गत राखिएको छ भने उद्योग, पर्यटन, श्रम तथा यातायातलाई एउटै मन्त्रालयमा समेटिएको छ । त्यसैगरी आन्तरिक मामिला मन्त्रालयअन्तर्गत सहकारी क्षेत्रसमेत गाभिएको छ ।

“कामको प्रकृति फरक–फरक छ । स्वास्थ्य र सामाजिक विकास एउटै ठाउँमा छ, उद्योग, पर्यटन, श्रम तथा यातायात पनि एउटै मन्त्रालयमा छ”, उनले भने, “आन्तरिक मामिलामा सहकारीसमेत गाभिएको छ । मन्त्रालयको कार्यभार हेर्दा मन्त्रीहरूलाई व्यवस्थापन गर्न कठिन हुन्छ कि भन्ने विषयमा हामीबीच छलफल भएको छ ।”

तर, हालकै अवस्थामा मन्त्रालयको सङ्ख्या बढाउने निर्णय नभएको उनले स्पष्ट पारे । “हामीले अहिले नै मन्त्रालय बढाइहाल्ने भन्ने निर्णय गरिसकेका छैनौँ”, उनले भने ।

प्रदेश सरकारले पछिल्लो समय मन्त्रालय तथा मातहतका निकायको संरचना र कार्यविभाजन पुनरावलोकन गर्दै आएको छ । मन्त्रालयहरूको कार्यभार, सेवा प्रवाह र प्रशासनिक व्यवस्थापनलाई आधार बनाएर आवश्यक निर्णय गरिने प्रदेश सरकारले जनाएको छ ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क