इन्फो नेपाल — सञ्चारको सञ्जाल

बागमती गाउँपालिकाको ८३ करोडको बजेट सार्वजनिक, सरकारी स्कुलमा पढाउन कडा नीति

हेटौँडा | मकवानपुरको बागमती गाउँपालिकाले आगामी आर्थिक वर्ष २०८२/८३ का लागि नीति तथा कार्यक्रमसहित ८३ करोड ७२ लाख रुपैयाँको बजेट सार्वजनिक गरेको छ। गाउँपालिका अध्यक्ष सर्केश घलानले शनिबार सातौँ गाउँसभा अधिवेशनमा नीति तथा कार्यक्रम प्रस्तुत गर्दा शिक्षा, सामाजिक सुरक्षा र पूर्वाधारलाई प्राथमिकतामा राखिएको देखिन्छ।

सबै वडाबाट सामाजिक सुरक्षा भत्ता वितरण गरिने र एकल पुरुषलाई समेत पहिलोपटक भत्ता दिने उल्लेख गरिएको छ। यस्तै, बागमती–८ को जनता माध्यमिक विद्यालयलाई बहुमुखी क्याम्पसको रूपमा विकास गरिने नीति सार्वजनिक गरिएको छ।

सबैभन्दा चर्चित प्रस्ताव भने सरकारी सेवामा रहेका स्थायी जनप्रतिनिधि र कर्मचारीले आफ्ना छोराछोरी सामुदायिक विद्यालयमा अनिवार्य रूपमा भर्ना गराउनु पर्ने व्यवस्था हो। यदि सो नीति उल्लंघन भएमा तलब र सेवा सुविधाबाट १० प्रतिशत शैक्षिक कर कटौती गरिने जनाइएको छ।

गाउँपालिका उपाध्यक्ष फणिन्द्र कुमार तिमल्सिनाले प्रस्तुत गरेको बजेट अघिल्लो वर्षको तुलनामा १२ करोड रुपैयाँले बढेको हो। यसपटक करिब ४२ करोड सामाजिक विकास, १७ करोड पूर्वाधार, १२ करोड २६ लाख प्रशासनिक सञ्चालन, ५ करोड ४३ लाख आर्थिक विकास, ४ करोड ५४ लाख सुशासन तथा संस्थागत विकास र १ करोड १६ लाख विपद् व्यवस्थापनमा छुट्याइएको छ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क