इन्फो नेपाल — सञ्चारको सञ्जाल

बाढीपहिरोपछि सुस्ताएको मुस्ताङको पर्यटन दशैँ लगत्तै लयमा फर्कियो

काठमाडाैँ । रसुवाको बाढी र असोज दोस्रो साताको अविरल वर्षाका कारण अवरुद्ध बनेको बेनी-जोमसोम सडकमार्ग खुलेसँगै हिमाली जिल्ला मुस्ताङमा पर्यटकीय चहलपहल ह्वात्तै बढेको छ। दशैँअघि सुनसान जस्तै बनेको मुस्ताङमा टीकाको भोलिपल्ट बिहीबारदेखि पर्यटकको आगमन तीव्र भएको हो।

​जिल्ला प्रहरी कार्यालय मुस्ताङका अनुसार दशैँपछिका दुई दिन (बिहीबार र शुक्रबार) मा मात्रै ७ हजार ८४६ जना स्वदेशी तथा विदेशी पर्यटक मुस्ताङ भित्रिएका छन्। टीकाको भोलिपल्ट बिहीबार ३ हजार ३३ र शुक्रबार ४ हजार ८१३ जना पर्यटकले मुस्ताङ प्रवेश गरेका छन्।

​यसअघि प्राकृतिक विपद्का कारण सडकमार्ग प्रभावित हुँदा घटस्थापनादेखि विजयादशमीसम्मको १० दिनमा जम्मा ५ हजार ६६३ जना पर्यटक मात्र मुस्ताङ पुगेका थिए। तीमध्ये ४ हजार ४०९ जना (७७.८५ प्रतिशत) विदेशी पर्यटक रहेका थिए।

​चालु आर्थिक वर्षको साउनमा ३० हजार ५३४ र भदौमा २० हजार २६८ जना पर्यटक भित्रिएकामा सडक अवरोधका कारण असोजमा यो संख्या घटेर १८ हजार ६०१ मा सीमित भएको थियो।

​दशैँ-तिहारको लामो बिदा, अनुकूल मौसम र सडकमार्ग सञ्चालनमा आएकाले तिहार र छठ पर्वसम्म पर्यटकको उपस्थिति अझै बढ्ने अपेक्षा स्थानीय पर्यटन व्यवसायीले गरेका छन्। मुक्तिनाथ मन्दिर, कोरला नाका, लोमान्थाङ, ढुम्बाताल र टिटी तालजस्ता गन्तव्य हेर्न देशका विभिन्न भागबाट कर्मचारी, बैंक वित्तीय संस्थाका प्रतिनिधि तथा वैदेशिक रोजगारीबाट फर्किएकाहरू मुस्ताङ पुग्ने क्रम जारी छ।

सम्बन्धित समाचार

गोरखाको धार्चेमा सुक्खा पहिरो

गाेरखा । गोरखाको धार्चे गाउँपालिका–१ स्थित यारुबगर र ठाडो भर्‍याङको जंगल क्षेत्रमा सुक्खा पहिरो खसेको छ। आज (शनिबार) बिहान करिब ८ बजेतिर त्यस क्षेत्रमा सुक्खा पहिरो गएको हो। ​पहिरो…

इन्फो डेस्क

बाढीपहिरोले तहसनहस बेनी–दरवाङ–मुना सडक, पुनर्निर्माणमा सात करोड

बाबियाचौर । गत असोजमा आएको बाढीपहिरो र म्याग्दी नदीको कटानले पश्चिम म्याग्दीको प्रमुख यातायात मार्ग बेनी–दरवाङ–मुना सडकमा ठूलो क्षति पुर्‍याएको छ। सडकका विभिन्न खण्डमा पहिरो खस्ने,…

इन्फो नेपाल संवाददाता

Latest in English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दाउन्नेमा ब्रेक फेल भई बस पल्टिँदा ६ जनाको मृत्यु, १० घाइते

काठमाडाैँ । पूर्व-पश्चिम राजमार्गअन्तर्गत नवलपरासी पूर्वको दाउन्नेमा आज बिहान बस दुर्घटना हुँदा ६ जनाको मृत्यु भएको छ। दुर्घटनामा १० जना यात्रु घाइते भएका छन्। ​कोहलपुरबाट काठमाडौं…

इन्फो डेस्क