इन्फो नेपाल — सञ्चारको सञ्जाल

बालेनको चाहना ओलीसँग चुनाव लड्ने

काठमाडौं । काठमाडौं महानगरपालिकाका मेयर बालेन शाहको प्रमुख चाहना नेकपा एमाले अध्यक्ष केपी शर्मा ओलीसँग प्रत्यक्ष चुनावी प्रतिस्पर्धा गर्ने रहेको खुलेको छ। फागुन २१ को निर्वाचनलाई केन्द्रमा राख्दै राष्ट्रिय स्वतन्त्र पार्टी (रास्वपा)का सभापति रवि लामिछानेसँग भएको ६ घन्टे गोप्य भेटमा यही विषयले विशेष अर्थ राखेको राजनीतिक वृत्तको बुझाइ छ।

रवि लामिछाने र बालेन शाहलाई एक ठाउँमा ल्याउने प्रयास लामो समयदेखि हुँदै आएको थियो। जेनजी अभियानसँग जोडिएका विभिन्न अभियन्ता तथा ‘हामी नेपाल’ का संस्थापक सुदन गुरुङले समेत दुवै नेताबीच सहकार्यको वातावरण बनाउन भूमिका खेलेका थिए। लामिछाने थुनामा रहेका बेला समेत बालेनसँग मिलेर अघि बढ्न सुझाव दिइएको स्रोतको दाबी छ।

रास्वपाले वैकल्पिक राजनीतिका शक्तिसँग मिलेर अघि बढ्ने निर्णय गरिसकेको छ। उता, जेनजी आन्दोलनपछि बालेन शाहमा पनि राष्ट्रिय राजनीतिमा प्रवेश गर्ने आकांक्षा बन्दै गएको देखिन्छ । यद्यपि उनी संसदीय राजनीतिमा जाने वा महानगरको कार्यकाल पूरा गर्ने भन्ने विषयमा अझै दोधारमै छन्।

यही पृष्ठभूमिमा सोमबार राति काठमाडौंको कमलपोखरीस्थित रास्वपाका पूर्वसांसद असिम शाहको निवासमा रवि र बालेनबीच करिब ६ घन्टासम्म लामो छलफल भएको हो। उक्त भेटमा राजनीतिक रणनीति, व्यक्तिगत बुझाइ र सम्भावित सहकार्यका विषयमा खुला संवाद भएको बताइएको छ।

छलफलमा सहभागी एक नेताका अनुसार बालेन शाहले झापा गएर एमाले अध्यक्ष केपी शर्मा ओलीविरुद्ध चुनाव लड्ने इच्छा प्रस्ट रूपमा व्यक्त गरेका छन्। ‘ओलीलाई उनकै निर्वाचन क्षेत्रबाट नहराइकन चुनाव जितेको मज्जा हुँदैन भन्ने उहाँको भनाइ छ,’ ती नेताले इन्फोनेपालसँग भने।

बालेनको स्थायी ठेगाना काठमाडौं निर्वाचन क्षेत्र नम्बर २ (सिनामंगल) भए पनि उनी झापाबाट चुनाव लड्ने विकल्पलाई गम्भीर रूपमा विचार गरिरहेका छन्। यद्यपि उनी कुन क्षेत्रबाट उम्मेदवारी दिने वा चुनाव लड्ने नै कि नलड्ने भन्ने विषय अझै टुंगोमा पुगेको छैन।

रास्वपा नेताहरूका अनुसार रवि लामिछाने बालेन शाहलाई भावी प्रधानमन्त्रीका रूपमा अघि सारेर चुनावी मैदानमा जान सकारात्मक देखिएका छन्। कास्की जिल्ला अदालतमा विचाराधीन सम्पत्ति शुद्धीकरणसम्बन्धी मुद्दाका कारण लामिछाने स्वयं कार्यकारी पदमा जान नसक्ने अवस्थालाई ध्यानमा राख्दै यस्तो रणनीति अगाडि सारिएको बताइन्छ।

उता, बालेन पक्ष भने लामिछानेले मुद्दा जितेको अवस्थामा उनको नेतृत्व स्वीकार गर्न तयार रहेको बताउँछ। तर अहिलेको चरणमा दुवै पक्ष ‘एकअर्कालाई बुझ्ने’ प्रक्रियामै रहेको बताइएको छ।

यस भेटबारे सञ्चारकर्मीको प्रश्नमा रवि लामिछानेले पनि सहकार्यको विषयमा हतार नगर्न आग्रह गरेका छन्। ‘अहिले हामी त्यो चरणमा छैनौं। पहिला बुझ्नुपर्छ, कुरा गर्नुपर्छ,’ उनले भने, ‘बिस्तारै राजनीतिक चरणमा प्रवेश हुन्छ।’

राजनीतिक विश्लेषकहरूका अनुसार बालेन–रवि भेटले वैकल्पिक राजनीतिलाई नयाँ मोड दिन सक्ने संकेत देखिए पनि अन्तिम निर्णय आगामी छलफल र परिस्थितिले निर्धारण गर्नेछ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

दानबहादुर कार्कीको रिटमा कारण देखाऊ आदेश

काठमाडाैँ । सर्वोच्च अदालतले निवर्तमान प्रहरी महानिरीक्षक (आईजीपी) दानबहादुर कार्कीलाई पदबाट हटाउने सरकारको निर्णयविरुद्ध दायर रिटमा कारण देखाऊ आदेश जारी गरेको छ। न्यायाधीश श्रीकान…

इन्फो डेस्क