इन्फो नेपाल — सञ्चारको सञ्जाल

बिदा थोत्रा जहाजलाई दिउँ

काठमाडौं । पोखरा विमान दुर्घटनापछि प्रधानमन्त्री पुष्पकमल दाहाल प्रचण्डले आकस्मिक मन्त्रिपरिषद् बोलाउनु स्वभाविक थियो । उनले आफ्ना सबै नियमित कार्यक्रम रद्द गरे । यसले घटनाप्रति सरकारको संवेदनशीलता देखाएको छ । यसैबीच मन्त्रिपरिषद्ले आन्तरिक उडानअघि नै विमानको प्राविधिक परीक्षण गर्न निर्देशन दिएको छ । यसैबीच सरकारले सोमबार बिदा दिएको छ । देश शोकमा रहेको बेला धेरै बहस गर्नुहुँदैन । तर एउटा प्रश्न पक्कै उठ्छ - के छुट्टी हाम्रो समस्याको समाधान हो? बिदा पछी अरु केहि गर्नु छ कि ? यस्ता प्रश्न सामाजिक सञ्जालमा उठिरहेका छन् । मिलन देवकोटाले लेखेका छन्, ‘शोक बिदा रे । के बिदामा ज्यान गुमाएका हाम्रा प्रियजनहरू फिर्ता आउनेछन्? नेपालको आकाश किन असुरक्षित ? जहाजको अवस्था कस्तो छ ? चालक दलका सदस्यहरू कस्ता छन् ? के सरकारले यो कुरा बुझ्ने प्रयास गरेको छ ? स्वरूप आचार्यले लेखेका छन्- बिदा दिनुको सट्टा स्वतन्त्र प्राविधिक लेखापरीक्षण नहुँदासम्म यति एयरलाइन्सका सबै विमान ग्राउन्ड गर्ने निर्णय गर्नुपर्थ्यो । त्यसैगरी डा. प्रकाश बन्जाडेले लेखेका छन्-कति दुखद! आकाशमा थोत्रा जहाज उड्यो भने नियति भोग्नुपर्छ ! जहाजलाई बिदाइ। हार्दिक श्रद्धाञ्जली। सामाजिक सञ्जालमा यस्ता धेरै कमेन्टहरु आएका छन् । यससँगै सामाजिक सञ्जाल प्रयोगकर्ताहरूले तत्कालै परिवर्तन गर्ने सरकारको निर्णयप्रति आक्रोश व्यक्त गरेका छन् । उनीहरुले पोखरा जाने तयारी गरेको भन्दै प्रधानमन्त्री प्रचण्ड र गृहमन्त्री रवि लामिछानेको पनि आलोचना गरेका छन् । प्रधानमन्त्रीलाई लिन बालुवाटार पुगेको सेनाको हेलिकप्टर र गृहमन्त्रीले अहिले भिआइपी पुगेमा सुरक्षा निकायले पनि उद्धारमा असर पार्न सक्ने भन्दै त्यहाँ नजान सुझाव दिएका थिए । उपप्रधान तथा गृहमन्त्री रवि लामिछानेले विमान दुर्घटनापछि खोजी तथा उद्धारका लागि सबै सुरक्षा निकायसहित सरकारी संयन्त्र परिचालन गरिएको बताउँदै आफू र प्रधानमन्त्रीलाई उद्धारमा असर पर्ने भएकाले तत्काल नजाने निर्णय गरेको बताए ।

सम्बन्धित समाचार

भीमफेदी सुमो दुर्घटना : मृतक र घाइतेको पहिचान खुल्यो

बिहीबार बिहान करिब ८ः३० बजे हेटौँडाबाट काठमाडौंतर्फ जाँदै गरेको ना१ज २१४३ नम्बरको सुमो अनियन्त्रित भई सडकबाट करिब सात मिटर तल राप्ती खोलामा खसेको थियो ।

बसन्त भण्डारी

रित्तिएका घरमा फर्कियो चहलपहल, पर्यटनले बदल्दै सुपिङको मुहार

हेटौँडा। कुनै समय परिवारका सदस्यको हाँसो, कुराकानी र दैनिकीले भरिएका घरहरू बिस्तारै सुनसान हुँदै गए। रोजगारी, शिक्षा र सुविधाको खोजीमा गाउँ छाड्नेहरू बढ्दै गएपछि आँगनमा झार उम्रिन…

घुमन्ते

English

Nepal Flood 2026: Full Timeline Explained

KATHMANDU — At around 8:40 am on August 26, 2026, a destructive surge entered Nepal through the Bhote Koshi River in Rasuwa, carrying water, mud, rocks and other debris into the Tr…

Info Nepal

मुकुल ढकाल र निशा डाँगी विवाह बन्धनमा बाँधिँदै

मकवानपुर । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकाल र सहमहामन्त्री एवं प्रतिनिधिसभा सदस्य निशा डाँगी आगामी मंसिर १० गते विवाह बन्धनमा बाँधिने भएका छन्…

इन्फो डेस्क